E lumiakoro šampionati an o fudbali an i Rusia si aktuelno, Oleste khelela momentalno thaj o majšukar romano fudbaleri an o momenti i čeren Rikardo Quaresma.
Ov si kotor tari Protugalsko reprepzentacia thaj khelgja o agorutne deš minutia ko meči mujal i Špania so agorkergja 3:3.
O Rikardo Andrade Quaresma si biamo an o Lisabon an o 29 spetmebro 1983 berš.
Oleskoro prekari si Ciganito (tikno Rom), soske oleskoro dat si Rom, a oleskiri daj si angolka. I kariera taro Quaresma startujngja an o Sporting Lisabon taro 2003, an i 2004 gelo an i Barselona thaj odova berš gelo an o Porto. Taro 2008 berš si an o Inter - Milano, 2009 an o o Čelzi, 2010 an o Bešiktaš, a an o 2013 an o katarsko Al Ahli thaj pali salde kelj sezona irangja pe an o Porto thaj taro 2015 palem an o Bešiktaš.
O Quaresma piro debi an i reprezentacia sine le an o juni 2003 berš ko amalikano meči mujal i Bolivia.
Na khelgja ko Lumiakoro šampionati 2006 berš , numa khelgja ko Europakoro šampionati 2008, kote oleskiri reprezentacia sine eliminirimi an o šatrfinale. Sevepi i bilačhi forma na sine akahrdo an o Lumiakoro šampionati 2010, numa palem sine akhardo an o Europakoro šampionati 2012 kote prire reprezentacijaja reslja džo lp kelvašfinale. O Quaresam na sine ki lista fudbaleria baši Portugalia thaj ni ko lumiakoro šampionati 2014 berš . Numa sine akahardo an o Europakoro šampionati ko 2016 berš an i Francia kote o Portugalcia legargje i titula , thaj ov dengja jekh goli ko turniri numa importantno kana viktoriringje e Croatia ko oftofinale.
Akana si an o akava lumiakoro ki Rusia thaj udžarel pe te ovel jekh taro importantno fudbaleria e reprezentaciake so ka ovel sar jekh taro potencialno daravin e aver ekipenge barabutne pire lačhe reprezentativno amalea thaj taro čhavoripa o Kristiano Ronaldo.
