O mudaripa e Senada.R (27) taro Šuto Orizari so akava vikendi paše ko 9 0 saati , bizo notacia dživdipaske sine arakhli an o drom " Ivo Lola Ribar" an o Gostivar saste si užarde , informirinena taro SAB Tetovo.
Šubikerdo si olakoro rom o B.G. (38) taro Šuto Orizari kote ko thavdipa e diveseske sine dendo kriseskoro akti dži ko Fundavutno Kavno Kriso taro Gostivar.
Aso i dendi notacia o šubikerdo B.G. kergja akava mudaripa upral piri romni ko kurko javinate nekobor posavibaja čhurikaja ko vasta, breha thaj vogji.
Palo odova vordonea našlja, a erati sine astardo an o Skooje thaj palo odova sine legardo an o policiakoro stasioni an o Gostivar thaj phanlo.
O javno obviniteli dengja decizia te kerel pe obdukcia upral o trupo e romnjake , a udđarel pe te rodel pe phanlipa e šubikerde B.G.
P motivia akale mudaripaske majpakjavutne si o nahaljaviba maškar akal duj o rom thaj i romni so sine lungo vakti.
O javno obviniteli dela informacia kaj i muli romni ko agorutne pandž masekoa dživdinel sine an o Gostivar so ali taro Skopje sebepi o nahaljovipa e partenerea. Olende sine len trin tikne čhave taro 1,3 thaj 6 berša.
