TV BTR-Nacional sine avgo romani televizia an i lumia so sine la 24 arija programa. BTR si fundirimi si ko 1992 berš majanglal sar radio programa, thaj ko 1994 berš ko 4 decembro mukhlo si o avgo TV signalo,  a sar oficialno starti sine 13 decembro 1992 berš.

Read more ...

I TV BTR-Nacional sine avgo romani televizia an i lumia so sine la 24 arija programa. BTR si fundirimi si ko 1992 berš majanglal sar radio programa, thaj ko 1994 berš ko 4 decembro mukhlo si o avgo TV signalo. 

Odova sine historikano momenti e romane mediumenge, soske odova sine majnaglal korkorutno romano mediumi te ovel 24 arengiri programa. O bešipa sine ko tikno ofisao an i komuna Šuto Orizari an o Skopje R.Makedonia.

Palo odova sar tehnikane agjaar thaj programski thaj personalno te kerel progreso. Majbut an i programa sine artikloja taro politika - informacie, kultura, edukacia thaj muzika so si phanle e anavea Romani populacia. 

Trujal o TV BTR dži akana ko plo butikeripa nakhle sine upreder 100 žurnalistia, 50 tehnikakere bukjarne thaj upreder 200 honorarcia. Maškar o aver i TV BTR - Nacional ki piri misia sine afirmacia e Romane tradiciake thaj kulturake. Ko odova konteksto i BTR mukhel piro specifikano notiribe ko pobut - tradicionalno kulturakere, edukaciakere thaj artistikane manifestacie sar ko themakoro agjaar thaj ko internacionalno nivelo.

Sar jekh olendar si 

- o Romano folk hiti, 

- Internacionalno alusar majšuži Romani čhaj, 

- Čhavorikano muzikakoro festivalo - Čhavorikano suno, 

- Filmsko festivalo "Somnakaeskiri rota"  

 

thaj but aver manifestacie. 

Ki produkcia kerde si upreder 100 dokumentarno filmia, so pobuter olendar lel phursakoja ko Internacionalno filmsko festivalia, Humoristikane serialia, čhavorikane edukativno serialia, upreder 30 epizode "Romani abeceda", upreder 200 epizode - "Keren Romane lafi", čhavorikane edukaciakere kvizia. Ko ple berša dži akana kerde si majbut emisie tari politika, kultura, edukacia thaj aver ki pli 24 časorengiri programa.

I TV BTR-Nacional ki piri historia ačhilo thaj sar avgo Romani televizia so sine thaj ko satelito. Odova ulo ko 15 novembro 2004 berš. Sa odoja programa so d`al sine ko themakoro nivelo , d`ala sine thaj ko lumiakoro nivelo, akcentea vaš i Romani diaspora. 

I misia tari TV BTR-Nacional kerel majodorig baši afirmacia e Romenge thaj e Romane jekhinake sar ko lokalno, themakoro thaj internacionalno nivelo.

 

 { }

FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 286

Yesterday 205

Week 491

Month 5397

All 349158

Currently are 41 guests and no members online

Kubik-Rubik Joomla! Extensions