Sar so sine anglutne havljarde an o pervazia e IRU Parlamentoske an o Beograd sine ikerdo o dujto naukakoro simpoziumo e Romane Holokausteske thaj i bibaht e Romenge ko vakti taro dujto lumiakoro maripa an i teritoria ko ex Jugoslavia thaj Bugaria.

Pire majneve rodaripa an i presentacia sine pendjarde anava so keren buti an o akava problematika.

Fakti si kaj isi tikno fondi dokumentia e bibahtake thaj statuso e Romengoro an o odova periodo, vakergje o ekspertia. An i piri presentacia odova akcentiringje o D.r Trajko Petrovski tari R.Makedonia, o Prof. Valdimir Krivoseh tari Srbia, D.r Ljuan Koka tari Srbia, Tomas Akton, Britania thaj o D.r Frank Repenhagen tari Germania.

Read more ...

Palo agorkerdo mapiriba e thanenge tari jekhto faza taro Holokasuto ko vakti taro maribaskiri 1941 berš.

Odola thana si egzekutirime Srblie, Jaudie, Roma thaj avera so mule ko vakti e Dujto lumiakere maribaske.

Palo saste 75 berša rodaripa locirime si 12 thana - lokacie. odola si: Jajnici, Jabuka,Rakovica, Bubanj Potok, Bežaniska Kosa, Deliblato, Šabac, Novi Sad, Kraljevo, Kragujevac, Niš thaj Leskovac.

Read more ...

Ko socialno netvorko sikavgje pe faktia bašo jekh  romano čhavo tari jekh beogradsko škola.

Ida Presterm vokali an i grupa " Lolobridžida" hulavgja jekh fotosi daj čhavea thaj i storia anavkergja la sar "lačhi thaj kerki".

“U Goca ake 4 berša po desavo drom užarel mo kher, oj si but pedantno thaj odokhare zamanglem la so angažiringjem la sar bebisiteri kana amen siem an i buti trujal so si but terni i Goca si daj korkro so bajrarel e eftaberšengere Aco" vakerela oj.

Aso olakere lafia " o sasto problemi" startujngja kana o čhavo chidingja an i škola.

 “Iranel pe sine tari škola saste bibahtalo, na hal sine maro, uštel sine ki rakj thaj rovela sine, thaj i daj vakerel kaj o čhave vakeren kaj si ov Rom thaj pučlja so si odova soske sasto vakti si korkoro thaj ni jekh na kamel sine te khelel olea" vakerel i Ida.

Read more ...

Avdive i lumia del respekto an o nekanutno nacistikano logori Auđvic thaj aver thana kote milja Roma thaj Sintoa si viktimia e Holokaustoske, dive kana o ancistia angleder 73 berša likvidiringja 2.897 logorašia - ačahile Roma an o logoroa so sine kerdo an o utar e okupirime Polskake.

Ko akava memorialno dive taro Holokaust e romenge si notirime o dive 2 Avgusti soske tegani ko 1944 berš o nacistia na o plinsko komore likvidiringje e agorutnen 2.897  phanlen ko anavkerdo romano logori. Ko Aušvic i majbari nacistikani fabrika meribaske an i okupirimi Europa, nakhle 23.000 Roma a ko olakoro tromalipa ko 27 januari 1945 berš 21.000 olendar na dodžargje odova dive.

Read more ...

Ko jekh taro kelie an o phanlipa ko Idrizovo, i phanli Sutkie Mustafova tari Strumica muli sebepi bilačhi sastipaskiri situacia . E phanlipaskoro doktori vakerela kaj ko džuvlengoro kotor e phanlipaske an o 7 juni muli i 46 beršengiri phanli romani džuvlia. I medicinsko urgentno ekipa interveniringja, numa bibahtaje jibstatiringja salde meripa.

Aso vice Nacionalno Obdusmano , Vaska Bajramovska i muli romani džuvli sine krisimi 8 berš phanlipa. Sine phanli an o 2012 berš a ko nakhle nekobor berša sebepi sastipaskere problemia upreder 20 droma sine legardi an o hospitalo.

I ekipa tari olengiri institucia avdive kergja opservacia ko than akale čipotake.

Read more ...
FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 286

Yesterday 205

Week 491

Month 5397

All 349158

Currently are 43 guests and no members online

Kubik-Rubik Joomla! Extensions