O Kosovo akava masek notirinela 10 berš taro fundiriba sar them thaj akcepcia themakere simbolia - flago, himna. Sa akala elementia trubul te reflektirinen o multietnikano karakteri.

O flago si v'nato - plavo e mapaja taro Kosovo somnakaeskere kolorea so isi le 6 parne čerenja so sikavel o etnikane grupe so dživdinene an o Kosovo - Albancia, Srblie, Bošnakoa, Khoraja thaj RAE (Roma, Aškalie thaj Egipkjania) thaj Gorancia.

Trujal so akala simbolia istemalkerena thaj an o ficialno ceremoniwe, ko jekh intonirinel pe i himna, numa salde i muzika thaj panda bizo teksti.

I himna si anavkerdi sar "Europa" komponirimi taro o profesori Mendi Mendžiči sar so si akcentirime an i web rig an o Parlamento taro Kosovom thaj reflektirinena o multikulturno karakteri taro Kosovo.

O korkoro autori Menđiči vakerela kaj na udžarel i nevi himna taro Kosov ko sig vakti ka ovel la teksti thaj akanaske lokheste te ovel an i godi i melodia thaj te giljavel pe bizo instrumentia.

"Akaleske trubula vakti. Savore džanaja kaj amari them nane saste konsolidirime thaj si problemi te kerel pe teksti an i akaja faza kana i them panda kerela pe" vakerel o autori.

"I forma e himnake si importantno savo mesažo ka bičhavel pe. I himna so kergjum la si taro manušikano karakteri thaj nane olate nisave maribaskere karakteria" dopherel ov.


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 713

Yesterday 420

Week 1701

Month 5008

All 445032

Currently are 45 guests and no members online

Kubik-Rubik Joomla! Extensions