Kana an o 17 juni o ministria avrutne bukjengje tari Makedonia thaj Grcia, Dimitrov thaj Kozijas čhivgje signatura an o kontrakto e anaveske an i Prespa, o kontrakto ka džal an i ratifikacia , thaj akcepcia an o makedonikano Parlamenti.

O deputatia ka den piri votas e kontrateske saste butipaja, jali aver notirime, o butipe taro o deputatia so si an o odova mitingo (minimum kvorumi bašo butikeriba an o parlamenti si 61 deputati, a olendar trubul 31 te den piri vota sar "oja" thaj o kontrakto te ovel ratificirime)

O Presidento e Parlamenteske o Talat Džaferi palo signatura džala an i signatura taro presidento o Gjorgje Ivanov kaste si le roko taro 7 divesa te del piri signatura.

Faktea kaj ov angleder vakergja kaj nane te del suporto e kontraktoske, palo akava roko , o kanoni palem ka del pe an o votiba an o Parlamenti. Tegani trubul apsolutno butipa taro 61 deputati te den piri vota bašo "oja".

Palo odova palem džala ki signatura thaj o Ivanov aso o Ustav trubul te del piri signatura. O Iavnov šaj palem ma te del piri signatura sar so kergja e Kanonea taro čhibja, numa o ekspertia notirinen kaj akaja decizia trubul te ovel publicirimi an o Službeno patrin salde signaturaja taro presidento e Parlamentoskoro thaj tegani si validno.

Bilačhe si o kalkulacie kaj trubul te udžarel pe signatura taro presidento , sar so udžarel pe e kanonea e čhibjencar. Udžaribaja thaj o Parlamento phafel o Ustavi . Na tromal te udžarel pe tegani trubul te nakhavel pe o presidento, aso o Ustav ov na tronal thaj našti blokirinel i mangin taro Parlamenti. Odolea kergja pe feleri o udžariba e Kanoneske bašo čhibja so panda nane havljardo thaj kerel pe bilačho presedani , vakeren o ekspertia.

 


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 716

Yesterday 420

Week 1704

Month 5011

All 445035

Currently are 59 guests and no members online

Kubik-Rubik Joomla! Extensions