Prekal o proekti " Romalen, diplomirinen thaj te ovel tumen majlačho dživdipa" , nevi generacia naničale sikle Roma startujngje edukaciaja an i delčevsko gimnazia. E proektea si astarde 40 Roma ko baripa taro 19 dži ko 45 berš taro komune Delčevo, Berovo, Pehčevo thaj Vinica, so nane len dđooformimi mašarutni škola.

 

I ermina Redžepova taro NGO "Ternipe MK" so si koordinatori e proekteske, notiringja kaj akava implementirinel pe trinto drom.

"Ko momenti isi amen 40 sikle taro regioni. Ko Berovo si položime 6 ispitia, dži kote an o Delčevo i edukacia startujnel taro avdive. Ki Vinica ka startujnel ko akava masek" - vakergja i Redžepova.

O interes ko Roma te oformirinen pli edukacia si baro soske o efekti taro anglutne duj ciklusia si sukcesiale kaj resle o Roma te resen diplome.

" Okola so agorkjergje ko anglutne duj ciklusia thaj lele diplome, neko gele ko fakulteti, neko gelo anglal ko plo bukjarno than, a jekvaš khuvgje an i buti ki administracia" dophergja i Redžepova

Ko avgo duj ciklusia ple diplome lele 136 Roma. O proekti implementirinel pe taro 2009 berš. Finansiko arka isi taro Romano edukaciakoro fondi tari Budimpešta ko butikeripa e maškarutne školencar taro štar komune an o regioni

 


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 302

Yesterday 549

Week 1985

Month 8602

All 425055

Currently are 47 guests and no members online

Kubik-Rubik Joomla! Extensions