I politikani participacia e Romenge sine la importantno datumia so angja trampe an i percepcia e Romenge taro aver nacie.

Saste si pendžarde kaj 1971 berš thaj o Jekh Romano Kongreso an o London si jekh taro majimportantno datumia e Romane politikane participaciake.

Numa isi aver da momentia so sine importantno angleder te ikerel pe o Jekhto romano Kongreso. Dži akana sar participientia akale organizaciake džala majodorig i Internacionalno Romani Unia -IRU so ko piro agorutno Kongreso kerdo an o mart 2016 berš ko Skopje, Makedonia kote sar prezudento sine alusardo o Zoran Dimov. Numa liparibaske si thaj aver datumia:

Ko maškar e XIX vekoske kana o Romano aktiviteto kergja i Romania te tromarel thaj činavel o Kanoni robonge o Roma an i Romania so gejnela sine paše 200.000 Romi.

Ko jekh ko agor e XIX veko ikljon pobuter Romane aktivitetia an i konekcia e manušikane niamenge , diskriminacia thaj avera. Odola Romane aktivitetia notirime si an i Germania, Italia,Špania, Rusia, Ungaria, Britania thaj Bugaria. Pali Oktomvrisko revolucia ( 1921-1922) kana ikljona neve "Romane Unie" an i Rusia . Majuči forma tari organizacia e "Romane Unienge" ko odola centria si praktikujme gazete, emisie an i romani čhib, lila, kulturakere aktivitetia thaj avera.

Read more ...

O Multimedialno artistikano perfomansi - Mukhen te ovav Rom : 50 berša taro filmi "Skupljači perja" ikergja pe ko 16 juli an i Club galeria Polet an o Beograd , liparibaja jekvaš veko tari premiera e kultno filmeske taro Aleksandar Saša Petrović thaj lipardo e akterenge Roma taro artistikano stejdži.

 

I programa akceptiringja i proekcia tikne filmeske "Lolistadik" taro multinedialno asrtisto o Zoran tairović. Ov si kerdo aso respekto e kulturno diferencienge , thaj odova eksperimentalno filmi si kerdo 2009 berš so zojrakerel o umetnikano moldipa thaj konekcia e Romencar thaj i Europa.

 

O alusar e romane nacionalno poeziake drabarel sine i akterka Aleksandra Milojković Bovikova thaj o žurnalisto an i radio Televizia Srbia - Una Beriša, a ko muzikakoro perfomansi than lele i Mila Kuznjecova thaj o Baja Saitović.

Read more ...

Ko salde 18 berša ulo jekh taro majbare čerenka ki teganutni jugoslovensko kinematografia, numa bibahtake palo odova našavdilo ko tunjariko. Ko avdisutne divesa an o 1999 berš o Davor Dujmović, korkoromudargjape humlavipaja.

Biame si an o Saraevo ki čorolikani familia. Sat tikno kamel sine te bašavel ko piano. E familia na sine la love e instrumenteske numa oleskiri daj pendžarel sine jekhe manušnja tari jekh škola so mukhel le sine ki jekh muzičko škola ko kabineti te džal te bašavel.

Ov pali škola džala sine ko saraevsko kurko Markale kote kerel sine buti pire dadea. Jekh drom kana gelo ko paše pabi te piel jekh soko odothe arakhle pe o Emir Kusturica thaj oleskoro asistenti Čiro Mandić. Akharen le an i audicia kote o Davor sikavgja pe sar idealno manuš te khelel i roljae phraleske o Mirza ko filmo " Moj otac na službenom putu".

Read more ...

O Jugoslovensko thaj srpsko režiseri Emir Kusturica si ratvarde an i trafikoskiri bibaht ko drumo Beograd- Čačak ko 140 kilometroa dur tari srpsko šerutni diz. odova havljarel i srpsko veruia taro švajcariakoro tabloidi "Blick"

Aso o informacie tari gazeta o vordon solea dromarel sine o režiseru iklilo taro drumo. O Kusturica thaj o šoferi sine lenge dendo medicinakiri urgentno arka, palo so o duj džene sine legarde an o hospitali.

O Kusturica si biame an o 24 noemvri 1954 berš an o Saraevo. Ov si pendžarutno lumiakorto režoseri kaste si le pherdo phursakoa. Ov ko jekh si thaj muzičari an o "Orkestari taro so na pien dahani".

Read more ...

Ko aktivitetia e snimibaske e neve dokumentrano filmeske "Lokalno heroia - Lumiakere Talentia" SP BTR Produkcia thaj Produkcia Studio 7 sar kotor taro o dokumentarno filmi kergje intervju e profesorea Emir Kusturica, pendžardo thaj phursarkerdo režiseri taro lumiakoiro kalibri. Pv ko dendo intervju e ko producentea e filmeske Roran Dimov maškar o aver vakerela o motivi snimiba filmia e romane tematikaja.

Ko jekh momenti ov vakerela: " Me taro mle čhavorikane divesa bajrovava e Romencar, me sium olencar sasto mlo dživdipa. Odola manupša si kotor mandar em me olenndar. Amen savore siem Roma"

Ov ko jekh kergja lafi ko vakti snimibaske o  duj filmia Romencar: "Dom za vešanje" thaj "Crna mačka bel mačor" i buti e Bajram Severdžane - Dr Koljo. Ov vakerela: "O Koljo si akteri si raritetno te resel pe. Ole isi khanči so aver profesionalcon nane len. Ov si akteri so bibahtake khelel akate an o Balkani, te sine akteri tari Europa jali avrial olatar ole ka ovel le sine bari kariera!.

Read more ...
FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 8

Yesterday 501

Week 715

Month 5517

All 341921

Currently are 51 guests and no members online

Kubik-Rubik Joomla! Extensions