Tari policia informirinena kaj ko 18 Novemvri paše ko 10 o časp thaj 50 minutia sine notirime kote an o Skopje ko drom Brsjačka Buna an i komuna Šuto orizari taro akanaske našendžarde faktoria iklili bari jag ko kher taro 48 beršengoro A.Đ. kote an o momento e bare jagake na sine khere, numa khere sine oleskere 5 tikne čhave so ko vakti sine evakuirime taro komšie.

An i vaktavin tari policia notirinen pe kaj trujal oleskoro kher so sine saste thardi , sine satarde panda trin khera ko ploipa taro 26 beršengoro Đ.H, thaj 35 beršengoro Gj.F e duj dženenge sine satarde salde o tavani thaj i konstrukcia, a taro 46 beršengoro N.L. ko kher sine zijankerdi i fasada thaj  e tavaneskiri konstrukcia.

U bari jag sine ačhavdi ko 11,45 o časo tari ekipa e Brigadake mujal jagakere ofisoske.

Read more ...

I avgo romani skaut formacia "Prosperiteto" ka resel piro ofiso. I majnevi skaut formacia  an i Makedonia barabutne e skautencar tari Unia e Skaitenge an i RM, Aktivirn to naj thaj o lokalno dizutne ko kurko ko 10.00 o časo renoviringje o obejkto taro socialno centro "Nadež" kote ka ovel o abgo romano skaut formacia an o avutnipa.

Trujal so ka aktivirinel piro naj odolea so ka chiden o gunoj thaj i deponia taro droma thaj ko pašipa e ofisoske an o Šuto orizari ka nevikeren pe o pendžerke, e tavaneskiri konstrukcia thaj i elektro instalacia an o ofiso.

O skautia thaj o dizutne brendiringje o ofiso thaj užargje o trujalipa čhivgje kante bašo gunoj, hortikultura lulugjencar so o terne taro Šuto orizari resle nevo than te amalinen, te hulaven idee thaj te organizirinen aktivitetia.

Read more ...

E dizjakoro šerutno an i komuna Šuto Orizari, Kurto Duduš anglal o mediumia bičhavgja dži ko mediumia galeria fotosia so kerel ilustracia e situaciake an o komunakoro ofiso so mukhle leske o anglutne legarutne e komunaja.

An o fotosia so bičhavgja dikhel pe kote o ofisia thaj kancalarie kote si ov isi kofe, majpakjavutne te dikhel pe kaj kheden o pani so ikljola taro tavani.

Ki vaktavin akcentirinel pe kote "aso o faktia taro o bukjarne akaja situacia si konstatntno napalal beršencar soske si kerdi bilačhi tavaneskiri rekonstrukcia"

O anglutno dizjakoro šerutno ko than te kerel intervencia ko tavaneskiri konstrukcia investirinel sine ko akomoditeto ko plo ofiso. I komuna si telel o riziko te ikljon majbare problemia sebepi o pani so thavdela direktno dži ki elektro instalacia vakerel o Kurto Duduš.

Read more ...

O suno baši  Europa čučargja e jekhutne romane komuna an i Europa. O azili e Romenge sine sar paerspektiva, numa butederengje angja pobuter sar bibaht thaj razočariba.

Šerutno faktori soske o Roma taro Šuto Orizari o džajbe an i Europa si o bibukjarnipa. Kotor olendar džan te keren buti, a kotor probinena piri baht sar -azilantia. Upreder 10.000 Roma ko nakhle nekobor berša rodingje azili an i Germania thaj aver thema tari EU.

Te dživdine an o Šuto orizari an o 21 veko si phare - o bibukjarnipa si šerutno problemi. O Roma tari Šutka vakerena kaj o terne ka aćhon te sine len egzistencia.

„90% taro Roma našen sar azilantia an i Germania sebepi ekonomsko kriza, soske nane len buti. An i sasti Makedonia an i buti si salde 5% Roma. odoleske bičhaven apelie političarenge te čhiven an i buti e ternen soske o terne si them" vakeren o Roma tari Šutka.

Read more ...

Mulo tikno bebe an o Šuto Orizari trin dive palo o bijanipa. Sar so vakeren tari policia i daj erati notiringja kote nane lačhe olakere bebea, akhargja Urgentno medicinakiri arka numa o doktori konstatiringja - meripa.

O akti si notirime taro bukjarno doktori ki medicinsko arka.

Aso i daj Gj.S o bebe sine biame an i Ginekološko - akušerska klinika " Majka Tereza".

Palo dendo dekreti taro Javno obviniteli , o ofiso e bebe dengja an i obdukcia.

Read more ...
FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 13

Yesterday 235

Week 776

Month 6619

All 358602

Currently are 332 guests and no members online

Kubik-Rubik Joomla! Extensions