Barabutne 482 romane čhave na džan an i škola ko duj fundavutne škole an o Šuto Orizari sikaven o rezultatia taro rodaripa so ko periodi maj - juni akava berš implementiringja i Asociacia "24 Vakti" an o pervazia e proekteske " Inklusia prekal edukacia".
Aso o rodaripa majkritično si o periodo taro jekhto dži ko pandžto klasi kana majbut taro Romane čhave mukhen i edukacia.

" O čhave ikljovena taro fundavno škole taro nekobor faktoria sar so si andrune thaj avrutne migracie, thaj o socio -ekonomikani situacia ko Roma, vakergja o Sali memed koordinatori e proekteske anglal o starti e prezentaciake taro sikavde rezultatia.

Read more ...

Idžerati an o centro e komunake Šuto Orizari sine trafikoskoro incidenti. Sevepi tehničko anomalia taro privatni busi numero 19 ko jekh momentipaldibaja po drom Indira Gandi thaj te iranel premal o drom Nov Život taro jekh drom o volani thaj o kočnice blokiringje.
Aso o svedokia o o šoferi e buseskoro tari pendžerka del sine vika te chiden pe savore an i rig.

Read more ...

I doktorka Vjolca Mbiara si specijalisto ginekologo so startujngja te kerel buti an i specijalistikani ginekološko ordinacia an i Šuto Orizari persi berš , kote anglutne panž berša an i akaja poliklinika na sine ginekologo.

Panda an o starti i doktorka Vjolca arakhlja pe problemea so nadžanel i makedonikani čhib sebepi i komunikacia thaj suporto sine lake medicinakoro asistentka so kerel sine translacia , a palo odova arakhlja pe šubikeribaja aso olakoro profesionalno bekgraundi.

Oj gndinela kaj o problemi so nane personalno ginekolopgo an o Šuto Orizari na sine dži odova kaj nane ginekolozia so na kamen te keren buti akate., nuuma o problemi si so buteder na kamen te oven akate ginekolozia , a majbut desave NGO so ko majšukar forma odova istemalkeren sine o nanipa ginekologo an i akaja komuna.

Read more ...

I Šuto Orizari si i majbari Romani opština an i Evropa, šhaj da ko sveto.
Oj si i jekutni opština so isi la Romano šerutno. I Šutka si barvali muzikaja, thaj utasvalipaja, numa isto si pherdi čorolipaja. Odori o bijava si delo taro svako dive ko nilaj ked iranena pes o strancija. Pherdi bojencar, barvale thaj čorole khera, skupo thaj motorija prikolkencar, thaj grasta so legaren prikolice, odobor but bukja ko jek tikno than.
O šarm e Šutkakoro si lakoro pazari, thaj o bukja so biknena pe si uvek „orginalno„.

Read more ...

O Skopsko kriso angja decizia te del 30 divesa phanlipa bašo rodiba mito e bukjarneske an i komuna Šuto Orizari.

– Oficialno sasto krisaro angja decizia -dekreto te implementirinel pe rodaripaskoro akti mujal jekh persona bašo kerdo mujalkanonikano akti mito .
O šubikerdo sar bukjarno an i komuna Šuto orizari an o 27 januari ko ofisia e komunake lelja angleder phanlo lafi mito ko učipa taro 1000 eura.

O mito so angleder rodingja le lelja le te kerel konekcia bukajke so na tromal sine te kerel la. Ov rodingja love te del Dekreti sar te del oficialno Sertifikato khereske so sine kerdo sar nalegalno , vakeren taro Kriso.

Read more ...
FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 171

Yesterday 168

Week 884

Month 4450

All 432277

Currently are 79 guests and no members online

Kubik-Rubik Joomla! Extensions