Saste pendžarde si kaj an o PCER lungo vakti isi bihaljovipa taro duj strue. Jekhe rigatar si o lideri taro PCER o aktuelno deputati Samka Ibraimovski thaj oleskere manuša, aver rigatar si o aktuelno Ministeri bizo resoro Aksel Ahmedovski thaj oleskere manuša.
Ko jekh thaj o korkoro deputato o Ibraimovski phravde rodingja taro Perimeri Zaev te kerel trampa e Akseleske thaj te anavkerel avere kadare taro PCER.
Lungo vakti kerel pe sine lista taro potencialno kandidatia bašo Ministeri bizo resori maškar so sine notirime anava sar so si o Muzafer Bajram, Alan Ismailovski, Zekir Abdulov, Aguš Demirovski, Idriz Hasani, Muhamed Toči..
Numa saste pandanane khanig akalestar, thaj o Ahmedovski panda legarela akaja funkcija.
Numa taro pire informacie o RDS havela kaj i ministersko funkcia udžarel salde jekhe kandidate a odova si o aktuelno deputato Samka Ibraimovski!
Odova znači ov ka mukhel i funkcia deputati an o Parlamenti thaj an o Parlamenti ko than duj romane deputatia ka ačhol salde jekh o lideri taro SRM o Amdi Bajram. Ko than taro o Ibraimovski ka khuvel membro taro Egipkjania o Rubin Zemon!
So si o motivo taro Samka Ibraimovski te ovel palem ministeri?
Ov anglutne da saste jekh berš ko akava periodi dekemvri 2017 kana anglutne sine notirime sar Ministeri bizo resor , ov chidingja pe tari odoja funkcia te šaj ovel deputati. Savore džanena kaj irangja odova resoro konkretno savalaja numa bizo desave bare rezultatia.
Aso akana okola so dikhen akala bukja ko Roma thaj o korkoro Roma pučena pes. So si o motivo e Samkaskoro? Soske palem Ministeri bizo Resoro?
Korkoro manuša maškar peste komentirinena kote aso olende šaj e deputateskere mandatoa nane le bare thaj buvle ingerencie , salde jekh vota majbut an o Parlamento e koaliciake, a an o Govermento ka šaj majlokheste te ovel le opservacia upral o love so ka ovel len thaj oleskoro lafi thaj parafi ka anel decizia si majimportantno , isi pobut than khelibaske numa so si le sar deputati.
A plsu sar so notirinena lačho momenti te ovel ti personalno šoferi thaj vordon so dena tut taro Govermento, a na te palde tiro vordon korkoro taro Tetovo dži ko Skopje em palal .
Numa ka ovel li majlačheste e Romenge akate ola si skeptikia!
Numa bizi diferenca taro sa akava te sine o Samka paslem ministeri ka trubul te vazdel šukar pire baja te kerel buti sa e Romenge a na salde "pire personalno avlinake"
отколку да тегнеш твоја кола и сам да возиш од Тетово до Скопје и обратно
Thaj panda jekh pučiba si li akaja ilustracia ko "sikaviba ko si majzoralo an o muskulia" si li o Skopje (Šutka), Tetovo, Gostivar, Delčevo, Berovo, Kumanovo...
Akalestar ikljola kaj o Ministeriumi bizo resoro ulo sar Teretana - Fitnes centro!
