Simeon Atanasov an o piro FB demantirinel kaj čorgja o muzei tari Esma: " Na valjani mange - oj dengja man buteder taro so valjani sine mange!"

Akala divesa nekobor makedonikane mediumia iklili informacia kaj o Simeon Atanasov, čhavo tari legendarno Esma Ređepova - Teodosievska. sine legardo an i policia sebepi akcentirimo čorib so kergja ko kher tari Esma, barabutne e Eeleonora Mustafova vokali an o „Esma's Band“ . Akale akteske ov akcentirinela kaj sa akava si baro hohavnipa.

Ov an o piro FB profilo taro 22 aprili hramosargja:
„ Sar čhavo taro hulavde jeria. panda sar čhavoro sine man baro talenti an i muzika. An o 1984 berš palo propozalo taro nesave manuša an i policia an o Kočani thaj mo dajo Brana barabutnee unukoa taro Stevo Teodosievski, Stanislav geljum an o Beograd an o educiriba ki penđarutni škola tari Esma thaj o Stevo Teodosievski.

Na sium sine legalno lendo tari Esma thaj o Stevo thaj sa o aver olakere čhave , numa ola taro avgo dive mange keren sine sa sar te sium olengoro čačutno biando čhavo.
Sikljovava sine te bašavav ko instrumenti khujbaske sa dži ko 1992 berš kana o profesoro o Stevo dikhlja kaj si man talento baši harmonika thaj startujngja te sikavel man odova instrumento .

Kana an o 1997 berš o Stevo sine anglal o meripa, anglal sa o čhave thaj i akana rametlia Esma , vakergja mange kaj mange dela oleskiri pendžardi harmonika. Taro odova momenti sa dži ko avdisutno dive me sium šefi an o bendi thaj kerav zori te ikerav o amaneti taro Stevo.
Miro čhavo anavkerel pe Stevo, a miri čhaj anavkerel pe Esma , sebepi o respekto so si man nujal olende, sine mange sar čačutne jeria.

Na trubul mange o kher, thaj sa so si andre an o kher. Me sium adresirime bašo sa o autorsko niamia e gilenge thaj odova si mange lačhe.
Kamav te ikerav i lačhi memoria mujal i Esma , but sium čalo olatar so dengja man baro suporto an o miro dživdipa, so olakere thaj Stevoskere suportoa me arakhlem miro drumo thaj dži avdisutno dive miri profesia si muzičari.

Oj dengja man but dži akana thaj sa e aver čhavenge so bajrarkergja amen odoleske sa demenatirinava so hramosaren o mediumia kaj me čordem thaj leljum nalegalno artikloa taro olakoro kher" hramosardo si an o olekoro FB profilo taro Simeon Atanasov.

Pin It
FaLang translation system by Faboba

I WANT TO SAY

TV BTR NACIONAL

Momentalno Online

       We have 483 visitors watching ROMATIMES.NEWS

o Vakti

 booked.net

Most Popular

Golden Wheel - Entry Application Form

Flag Counter

Our counter start count since 13.01.2019
Count unique visitors from which country visit our portal
In the bottom there is total visits our portal