„Lokalno Heroia - Lumiakere Talentia „ tari Moskva iranela pe specialno phursakoja

„Lokalno Heroia - Lumiakere Talentia „ tari Moskva iranela pe specialno phursakoa taro Presidento e festivaloske bašo arakhiba i nacionalno tradicia thaj historikano kulturno darhinalipa

Sar so si pendžardo ko akaleberšeskoro 22-to ko niče Filmsko festivali "Bratina" an i Moskva, Rusia trujal aver thema thaj i Republika Makedonia sine la piro reprezenti an i oficialno konkurencia e festivaleske.

O Zoran Dimov sar producento thaj scenaristi e majneve dokumentarno filmsko artiklo "Lokalno heroia -Lumiakere Talentia" an i produkcia taro SP BTR thaj koprodukcia taro Studio 7, a finansirime taro Makedoniakoro filmsko fondi sine an i oficialno konkurencia taro upreder 300 resle filmia taro 20 thema.

Ov tari rig e festivaleskere žiriske thaj o Presidento e Festivaleske o rajo S.E. Bokov o filmi "Lokalno heroia.." notiringje ole sar kvalitetno thaj produkciski barvalo dokumentarco.

Odoleske sine leske dendi thaj sepcialno phursako -Diploma "Bašo arakhiba i nacionalno tradicia thaj historikano kulturno darhinalipa"

Odova sikavel kaj palo o phursako reslo ko Košice "Zlaten Prosjak", Grand Pri an o "Profest" Bačka Topola, Srbia thaj specialno diploma taro Film Festivalo "Golden Tree" an o Frankfurt, Germania. Akana destinacia si Berlin an o filmsko festivali "Ake Dikhea" so ka ovel taro 6 dži ko 10 Dekemvri 2018 berš.

Diploma2 0910

Pin It
FaLang translation system by Faboba

I WANT TO SAY

TV BTR NACIONAL

Momentalno Online

       We have 421 visitors watching ROMATIMES.NEWS

o Vakti

 booked.net

Most Popular

Golden Wheel - Entry Application Form

Flag Counter

Our counter start count since 13.01.2019
Count unique visitors from which country visit our portal
In the bottom there is total visits our portal