An o Šuto Orizari 8.000 džuvlja ko reproduktivno periodi panda nae len ginekologo

O konsekvence so si ande an o 2014 berš, a revidirime an o noemvri 2015 berš kote trubul sine te ovel ginekologo te avel jekh drom an o kurko, thaj taro akana sig trin droma an o kurko, sikaven pe sar naefektno. O džuvlja so arakhen pe ko reproduktivno periodi tari komuna Šuto Orizari si bare. Nanipa taro matično ginekologo iranel bilačhi sastipaskiri protektiva, nanipaja ki ničali kontrola, navakteskiri kontrola seriozno čhivel ko riziko e džuvlen, thaj ko jekh e daen thaj e tikne beben.

O romanja taro Šuto orizari roden antvorto thaj džovaplipa thaj konsekevnce baši implementacia an i praktika taro ministeri sastipaske.

 

Pučena save si o avutne aktia so ka len dži kote na aplicirinel ni jekh ginekologo baši funkcia matično dži ko agor taro januari trujal i havljardi finasisko stimulacia.

"Kana i komuna ka pherel plo dendo lafi te lel than finasisko stimulaciaja te phravel pe ordinacia taro matično ginekologo an o Šuto orizari?. Sar ka faisalkerel pe o problemi o nanipa numero taro patronažno medicinakoro personali so valjani te keren vizita e romane džuvlenge majhari duj droma ko vakti taro olengoro khamnipa, kana o rezultatia taro teren sikaven kote salde 5.6% resle akaja kontrola, thaj odova salde jekh drom" pučena o romnja

Ko jekh interesirenala len save si o mehanizmia thaj ki savi forma ka arakhel pe realizacia bilovengere ginekološko thaj mikrobiološko kontrole thaj bilovengoro bianipa, bizi diferenca si len sastipaskiri protektiva e khamne romnjenge.

 

Pin It
FaLang translation system by Faboba

I WANT TO SAY

Momentalno Online

       We have 147 visitors watching ROMATIMES.NEWS

o Vakti

 booked.net

Most Popular

Flag Counter

Our counter start count since 13.01.2019
Count unique visitors from which country visit our portal
In the bottom there is total visits our portal