Idžerati an o centro e komunake Šuto Orizari sine trafikoskoro incidenti. Sevepi tehničko anomalia taro privatni busi numero 19 ko jekh momentipaldibaja po drom Indira Gandi thaj te iranel premal o drom Nov Život taro jekh drom o volani thaj o kočnice blokiringje.
Aso o svedokia o o šoferi e buseskoro tari pendžerka del sine vika te chiden pe savore an i rig.
O busi gelo prekal i desno rig e trotoareske thaj sa so arakhlja anglal peste peravela sine.
An o odova karamboli zijankergja buteder vordona thaj pervagja jekh bandera thaj kotor tari avlin jekhe khereske so sine po drom.
Ratvarde manuša na sine bahtake numa sebepi baro šoko thaj stres taro incidenti jekh phureder manuš sine le infrakt thaj mulo.
Resli thaj policia so kergja opservacia em medicinsko ekipa so lelja e manuše te hospitalizirinel pe numa sine konstatirime kaj si mulo.
Kerdo si baro materialno zijani.
