E Diveseskoro Centari e čhavenge an o droma thabilo saste thaj sa so sine oleste ando sa si našavde, o čhave so si akomodime thaj chidime taro droma, akana si palem an o droma. A kobor si phare te rese i pativ oleste, te sikave le ko fundavno higiensko tertipia, te konektirine le ko edukaciakoro procesi, te urave le, te parvarele, te legare opservacia oleskere sastipaskere situaciake, te sikave le kaj isi majbut numa o dživdipa po droma... soske nane ko aver te kerel odova !!!
Dukhala but kana dikhea kobor kamel thaj kobor si importantno odova so dikhena le ko Diveseskoro Centaru kaj odova si oleskoro kher thaj akana pučela " e akana sikavnie, kote amen ka sikljova?"
O ilo na kerel lafi, numa čače si sako drom phravdo okoleske so ka resel te takjarel ole. O vast šaj deja sakoneske. Jekh asajbe si sa so trebela ko akava kalo dive te šaj ovel rošalo.
Te šaj del pe suporto akale čhavenge , an i them si formirime diveseskere centria so den diferentno usluge sar e čhavenge agjaar olengere jerienge. Ola akate resena šajdipa te oven higiensko pherde, te educirinen pe , te sikljon, te keren parti thaj rekreacia thaj te del pe lenge konsiliari kana trubul. (O kanoni baši socialno protektiva no.79/2009). Olencar kerel buti multidisciplinarno timo kote sakone čhaveske si kerdo individualno plani baši buti. Asavko diveseskoro centari šaj te ovel fundirime tari them, komuna, o NGO thaj privatno sektori.
