Ano Valjevo jekh themakoro institucionalno bukjarno khuvgja čhamidin jekhe tikne Romane čhaveske , thaj nane te ovel džovaplimo anglal o kriso dži kote pukjinel 30.000 dinaria (150 eura) ko humanitarni akcia informirinen o mediumia.
O kriso šaj sine te anel kanonikani decizia akale akteske kote trujal lovengiri globa si i opcia phanlipa dži ko 5 berša. I policia an o Valjevo sebepi kerdo terori mujal o Nikola Ilić so kergja o incidenti ko agor taro juli akava berš.
O krsio angja decizia te na del globa dži kote o Ilić pukjinel 30.000 dinaria ko roko na lungo taro jekh berš!
O incidenti ulo ko 21 juli kote aso i vakerin e čhavengiri kaj ulo kana o Ilić sine ki buti alo leske paše thaj vakergja kaj ka "phagel oleste thaj oleskiri harmonika" kote palo odova khuvgja le čhamidin.
Trujal o o incidenti sine ko vakti kana sine ki buti e dizjakoro šerutno an o Valjevo Slobodan Gvozdenović na angja dispciplinsko akti akale bukjarneske oleste.
E themakoro sekretari ko Ministeriumi baši buti, maribaske thaj socialno pučiba Nenad Ivaniševič dengja teleperavin akale akteske: " Sako atako upral o dizutno an i Srbia upral i funda jeripa, nacionaliteti religia majzorale sankcionirinel pe thaj trubul globa"
