O 5 Novembro si notirime sar Lumiakoro dive e romane čhibjake tari rig taro UNESKO.
Ki utsavali ceremonia organizirime taro makedonikano Govermento , o premieri Zoran Zaev notiringja kaj " sasoitnipa savorenge" si fundavutno principi e programake an o Govermento thaj si hazri na deklarativno, numa čačutne em phravde te tamikeren e Makedonia sar inkluzivno sasoitnipa.
An i akaja utsavali notacia piro lafikeriba trujal o premieri Zaev sine e ministere bizo portfolio so kerel implementacia e Strategia e Romenge 2014-2020, Aksel Ahmedovski thaj o ministeri baši edukacia Arber Ademi, o ministeri kulturake Asaf Ademi, o deputati an o Parlamenti an i Republika Makedonia o Samka Ibraimovski thaj avera.
Sebepi o 5 Novembro ko jekh tari rig e makedonikane Govermentoske sine dende plakete e institucienge thaj individue so kergje baro aktiviteto an i afirmacia thaj arakhiba e romane čhibjake . Maškar okola so sine dendi lenge plaketa sine thaj o rajo Zoran Dimov kote sar notirime romano aktivisto thaj mediumsko bukjarno kergja baro aktivizmi thaj afirmacia e romane čhibjake.
