O Ministeriumi baš i edukacia tari R.Makedonia, finansisko arkaja taro REF Budimpešta ko majnevo sikljojbaskoro 2015-16 berš ka del stipendie an o 5 kategorie romane čhavenge so džan an i maškarutni škola.
Ola ka den barabutne 671 stipendie. Olendar 329 stipendie siklenge so lele stipendie ko 2014-15 berš a isi len sukcesi majhari an i škola 3.00. Hulavde si ko kategorie: 2.200 den, 1.500 den thaj 1.000 denaria.
Javer 342 stipendie sikllenge so na lele nisavi stipendia ko 2014- 15 berš, majhari sukcesi an i škola 3.00. I kategoria si 2.200, 1.500, 1.000 thaj 600 denaria.
Interesno si so isi kaegoria taro 600 denaria ko masek siklenge kaskoro sukcesi an i škola sine len proseko 2.99
Akale stipendiake šaj konkuririnen 70 čhave olendar tari Šuto Orizari 35, Prilep - 12, Kumanovo - 11, Tetovo - 6 thaj Štip - 6 stipendie.
O šarti bašo te šaj aplicirinel pe akale stipendienge trubul te oven sikle an o javno thaj privatno maškarutne škole an i R.Makedonia, te oven Roma, thaj te oven ničale - redovno sikle.
O agorutno roko baši aplikacia si 30 novembro 2015 berš. Majbut save si o propozicie šaj dikhen an o veb sajto taro Ministeriumi baši edukacia - http://www.stipendii.mon.gov.mk/
