Prekal o informacie taro legarutne an o SUGS "Šaip Jusuf" - Komuna Šuto Orizari an o sikljojbaskoro 2016/17 berš, ka šaj sa o sikle so agorkerena pli fundavno edukacia, šaj te hramosaren pe an i akaja škola. Ki akaja škola isi paralelke thaj grupe so ka šaj te hramosaren pe o sikle thaj akale punktoncar:
Sastipaskiri struka (medicinsko phen) 70 punktia
Ekonomikano - jursidikciakiri thaj kinobikinibaskiri struka (ekonomsko tehničari 60 punktia
Tamikeribaskiri - geodetsko struka (tamikeribaskoro tehničari) 45 punktia
Personalno aktivitetia (frizeri ) 30 punktia
Ugostitelsko - turistikani struka (obermani - kelneri) 30 punktia
Ki sako struka isi than bašo nevehramosarde 34 sikle taro Jekhto berš jali o barabutno numero si 170 tromale thana.
O avgo hramosaribaskoro termini si 28-29.06.2016 berš. O dujto hramosaribaskoro termini si 04.07.2016 berš , dži kote o trinto hramosaribaskoro termini si 24.08.2016 berš.
Trubul te notirinel pe kote o sikle taro Romano entiteti šaj te oven hramosarde thaj 10% majtele punktencar taro dendo kriteriumi ko notirime struke.
Dokumentia te šaj hramosaren pe ki akaja škola si:
1.Aplikacia - dokumento bašo hramosariba(I aplikacia lel pe ki škola)
2.Orginalno sviditelstvo taro VI-IX klasi
3.Sertifikato - Bijanipaskoro lil (Krštenica) na trubul te ovel neve datumea
