Startujnel i kampanja e lokalno alusaribaske, čhivdi signatura ko Kodekso bašo fer alusariba

Taro 25 septemvri startujnena o kampanje e 6-to ko niče lokalno alusariba so ka ikeren pe an o 15 oktomvri. Lista taro kandidatia dizjakoro šerutne thaj lista konsiliaria si aplicirime 19 partie thaj koalicie a ko jekh ka oven thaj 64 biathinale kandidatia.

O hangiba ka implementirinel pe ko 3.480 alusaribaskere thana an o 80 komune thaj i Diz Skopje. E partiakere karavania ko avutne biš divesa ka oven an i them te resen i pativ taro elektorati thaj te keren rezultatia pozitivno olenge.

Jekh dive angleder o starti tari kampanja o kandidatia e dizjakere šerutne čhivgje signatiura ko kodesko bašo fer thaj demokratsko alusariba kote dena obligacie kaj nane te keren nisave presie upral o bukjarnbe an i themakiri administracia thaj kompanie so si telel themakoro kapitali.

An i komuna Šuto Orizari o kodekso signatirungje o duj kandidatia so si len majbare šanse biktoriake o Kurta Duduš taro SDSM thaj o džiakanutno dizjakoro šerutno taro SRM Elvis Bajram.

 

Pin It
FaLang translation system by Faboba

Mangava te vakerav

TV BTR NACIONAL

Momentalno Online

       Isi 455 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali