O Ginekologo tari Šutka hohavgja sine bašo plo bukjarno džanlipa

I American Hospital tari Tirana, Albania kergja reakcia dži ko makedonikane mediumia so dengje i informacia kaj i d-r Vjolca Mbiara kotor taro plo bukjarno aktiviteto sine la an o odova hospitalo. 

A so American Hospital  i d-r Mbiara nikana na kerel sine buti an o akava amerikakoro hospitalo an i Tirana thaj notirinena kaj seriozno peravena o respekto  olengere kompaniake an o regiono.

Pali akaja reakcia tari Amerikansko hospitalo an i Tirana anel pe dži ko pučiba ko čače kerel buti an i poliklinika ko Šuto Orizari  sar ginekologo , soske olakoro agjaar notirimo "bukjarno džanlipa" sine akcentirime sar jekh taro ošerutne adutia so sine prezentirime kana startujngja bukjaja an o Šuto Orizari kote na sine ginekologo lungo vakti.

„Avava tari Albania kote so agorkergjum o studie an o Medicinakoro fakulteto an i Tirana, startea taro 2000 berš, thaj agorkergjum an o 2006 berš. Kana agorkergjum e medicinakere studie sine man duj beršengiri praktika an i themakiri klinika an i Tirana  thaj odova an o periodo taro duj berša ( 2006.-2008. berš). 

I specializacia as o Ginekologia agorkergjum an i Univerzitetsko klinika bašo ginekologia thaj akušerstvo - Koço Gliozheni thaj palo agorkeriba i specializacia prosekoa taro 9,9, palo odova akhargje man bukjake o amerikansko hospitalo an i Albania kote kergjum buti sa dži ko momento kana me familiaja aljum te dživdinav an o Gostivar . 

Odoleske taro mire plesutne faktoria te šaj ovav mire familiaja , angjem i decizia te avav an i Makedonia, odoleske odova sine šerutno faktori so ikliljum taro hospitali kote so kergjum buti thaj avilem me familiaja akate" vakergja i doktorka Mbiara an o intervju e mediumenge.

I Mbiara sine angažirime taro ministeriumi sastipaske kana sine ministeri sine o Arben Taravari thaj akava akti sine buvleste eksplotirime ano mediumia soske i komuna Šuto Orizari lungo berša na sine la ginekologo.

 

Link: http://faktor.mk/ginekologot-od-shutka-lazela-za-rabotnoto-iskustvo

 

Pin It
FaLang translation system by Faboba

Mangava te vakerav

TV BTR NACIONAL

Momentalno Online

       Isi 380 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali