O šampioni Tajson Fjuri si pozitivno an o kokaini!

E lumiakoro šampioni ki phrai kategoria Tajson Fjuri  šaj te našavel sa pire titule kana sine le pozitivno ko testi bašo kokaini.

O 28 beršengoro britansko Rom  akana ko sig vakti niotiringja thaj na manglja te ikljol ko revanš boks meči e Vladimir Kličkoja so sine notirime bašo 29 oktomvri sebepi "medicinsko karana". O promoteria taro Fjuri "Henesi sport" havljargje kote ko 23 septemvri trubul te čhinaven o termini e mečeske e Kličkoja numa na dengje nevi data bašo ikeriba akale mečeske.

Aso o ESPN o Fjuri sine pozitivno an o kokaini jekh dive angleder ko 22 spetemvri. O bokseri so notirinel kaj si depresivno ov anglutne akcentiringja kaj isi le problemia e kokainea.

„Me sium em tele em upre. Jali sium avrial taro mlo šero e kokainea, jali sium tele inekcijaja bašo tromalipa. Pobaro kotor taro mlo vakti sium an i depresia" vakergja o Fjuri persi aprilo.

Oleskere WBA thaj WBO titule šaj te oven lende dži kote čače kerel pe fakti kaj si pozitivno isi šajdipa o Kličko te ovel le boks meči aver bokserea a odova si o britansko šampioni Entoni Džošua dži ko agor akale beršeske.

 

 

Pin It
FaLang translation system by Faboba

Mangava te vakerav

TV BTR NACIONAL

Momentalno Online

       Isi 448 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali