Akava proekti tano korkorefinansirime proekti e kompanijakoro Anton Soft, poškar vakerdo e Elvis Hajdareskoro, koj vi akhale tano šerutno koordinatori thaj programeri e proekteskoro. Poškar vakerdo, o Anton Soft tani kompanija koja kerda peske resarin akale beršeske te lansirinel romane proektija, a akava proekti tano jekh taro o proektija tari odoja lista.
O proekti realizirinela pe ki sorabotka e Elja Islam taro Niš, R. Srbija. Elja tano strastveno kolekcioneri e romane muzikakoro. Ov raspolaganjela bare diskografijaja baši sa o romane peačija. Ov isi le sa o albumija sa e peačengere kola so ikaldelen taro samoto lengere početocija ki lengiri kariera.
Akala duj entuzijastija kerena buti ko proekti koleske isi but te kerel pe lafi. I resarin lengiri si te čhiven sasti romani diskografija ki jekh data baza koja ka ovel la grafikano interfejsi. Ko akava portali o fanija e romane muzikakere ka ovel len šajsarin te dikhen thaj te roden sa o albumija thaj o gilja e romane peačengere, thaj te šunen ja dikhen o video e giljakoro.
Ko adžikeribe sijam bašo publikano prezentiribe lengere produkteskoro – veb portali so posigo, sar so vi i ola havljarde amenge.
