Ko avdisutno dive – 26 juli ko 1963berš e skopjancon džangavgja baroo phuvjakoro tinaniba . Ko 5:17 o časo tinangja I phuv koo Skopje 6,1 premal o Rihter digra

E phuvjakoroo tinaniba kergja baro zijani ko khera , mule 1070 džene, a paše 3000 sine ratvarde. Upreder 200.000 ačhile bizo khera . Numa o Skopje špalo odva uloo diz taro Soolidariteto – humano suporto te šaj te nevikeren e dizja em o humanoo suporto resel sine taro sa o riga.

O UN lela obligacia em aktiviteto planski em lungovakteskoro te del suporto e dizjake . Ko 23 septemvri 1963 berš , 35 thema rodingje taro Generalno khedipa an o UN te ovel an I agenda te šaj diskutirinel pe bašo suporto e dizjake. Palo odova ko 27 septembro 1963 berš o Generalno khedipa an o UN dengja prioriteto sar internacionslno akcia suporto e Skopjeske.

Ko 14 oktobro o UN angja Rrezolucia te del suporto e jugoslovensko govermentoske  ki rekonstrukcia e Skopjeske, em sikavgja mazunipa baši akaja katastrofa ko Skopje. Ki debata bašo dejbe suporto e Skopjeske o Generalno khedipe k UN šungja I diskusia taro reprezentoa taro upreder 20 thema taro sa o kontinentoa . Odova dive ačhilo ko Analia ko UN sar dive bašo Skopje.

Avdive 60 berša taro katastrofalno phuvhjakoro tinaniba an oo Skopje notirime si diferentno aktivitetencar  ko pobuter lokacie ko Skopje, a ake em nekobor fotografie taro 26 juli 1963 berš.

Akala divesa ko piro FB profilo tar  phral tari Suana Zekir o Burhan Zekir kote korkro da si magistaro palo informatičko nauke drumo kompjutersko sistemia thaj netvorko  prosekoa taro 8,64 editiringja kaj si garvasial ki piri phen soske sukcesiale diplmiringja an i tema: „Inteligentno sistemo thaj olengiri implementacia an neuromarketing thaj neuropsihologija“.

Akana oj si titulaja dip.inžiner – otsek kompjuterski sistemi thaj netvorko. I Suana Zekir avgo Romani ko IT sektori asavke titulaja

O korkro  sukcesiu e phraleske thaj phenjake ko avutnipa ka ovel motivacia e majterene generacienge sar te dćivdinen pir dživdipa thaj salde edukaciajaj šaj resen pire sune em te keren na salde sukcesiale pire kariere numa thaj ka pervane ostereotipa so isi premal i Rmani jekhin. Panda jekh drm neka ovel bahtal e Suanake em but pbaro sukcesi ki piri profesionalno kariera.