O Romano NGO “Luludi” startujngja i kampanja , prekal distribucia thaj promocia ko socialno netvorko (Facebook, Instagram) thaj olengiri web rog edukaciake em vazdiba i gind ki terni em sasti populacia resarinaja te prependžaren o forme taro kinobikiniba čhaven em džuvjen. Akaja kampanja ka ovel ko periodi april - maj  2021 berš, a ko pervazoa e proektoske “Savore ko čhinavipa kinobikiniba čhave thaj džuvlja! Finansisko suportime tari Europakiri Unia thaj Europakoro Konsilo ko pervazoa e barabutne programake tari EU thaj SE  - Horizontalno instrumento bašo Paščimalo Balkani thaj Turkia”.

O statistike sikavena kaj milioia terne thaj čhave , džuvlja ama em murpa sako dive si čhivde ki seksualno eksplotacia , zorea prostitucia, mangipa devlenge em aver. Notirime si kaj ko internacionalno nivelo isi maškar 20 thaj 40 milionia manuša, so si viktimia ko kinobikiniba e manušencar.

Link: http://luludi.mk/mk/%D0%B8%D0%BD%D1%84%D0%BE%D1%80%D0%BC%D0%B8%D1%80%D0%B0%D1%98-%D1%81%D0%B5-%D1%81%D0%B5%D0%BA%D0%BE%D1%98-%D0%BC%D0%BE%D0%B6%D0%B5-%D0%B4%D0%B0-%D0%B1%D0%B8%D0%B4%D0%B5-%D0%B6%D1%80%D1%82%D0%B2%D0%B0/

Akala divesa jekh taro majaktuelno teme ko Parlamenti e Makedoniake si alusar taro efta membrora ko Komisie ko čhinaviba em protektiva tari diskriminacia so ka kerel buti premal o nevo kanoni em ka sikavel ko em prekal savi fubda si diskriminirimo ko sasoitnipa.
Ko jekh o makedonikano Parlamenti na reslja te kerel vota ko alusar e neve Komisijake baši protektiva tari diskriminaciam sebepi so na sine kvorumi. O deputatoa taro VMRO DPMNE reagiringje kaj ko alusar taro kandidatoa palem sine dominacia tari politikani em partisko kriteriumia , em agjaa so trujal so vakergje kaj ka den pi vota sar „neutral“ ola iklile tari sala.
Sar efta membria ki Komisia ko čhinavipa em protektiva tari diskriminacia mandatoa taro pandž berša alusardi si Igpr Jadrovski em Neda Čalovska Dimovska sar jurisdikcie, o politikologo Limko Bejzarovski, o doktori specijalsiti prekal familiarno mendicina o Irfanb Deari. Trin beršeskere mandatoa alusarde si politikologo Kire Vasilev, magistri prekal jurisdikciakere nauke Ismail Kamberi thaj o psihologo Vesna Bendevska.
O parlamentarno president Talat Džaferi čhinavgja I bešin ev notiringja dopherdi kaj ka kerel aver bešin akala divesa.
Liparibaske si kaj akala efta membria tari I Komisia kandidiringje pe 44 kandidatoa maškar olende em persone syo džanel pe kaj tergjona o intelektualcia em o NGO sektoro. Persone kaske pakjala pe kaj si but aktivno, džanena piri buti em šaj te len than ki protektiva tari I diskriminacia.
Te notirina akj ko odola 44 kandidatia sine em Roma kandidatoa so sine participientia prekal sa o kriteria em kvalifikacie ko alusar e Komisiake.
Soske ola nane alusarde ki odoja lista aćhola našpendžardo. RDS pučel premal o senzibiliteto e bukjake tari akaja komisia valjani sine te oven membrora taro Romani jekhin so beršđencar ko sa o raportoa taro kherutne em internacionalno organizacie tergjola em džanel pe kaj jekh taro majdiskriminirime ko sasoitnipa si baš i Romanei jekhin.
Ko jekh o RDS potencirinela kaj ko korkoro Kanoni em membrora ki alusar e Komisiake ko čhinavipa em protektiva tari i diskriminacia ko Membro 16 nukata 5 tergjol akava:
„ O membria e Komisiake trubul te reflektirinen o sasoitnipa saste em kana ka alusarel pe membrora trubul ekvivalentno akcepcia prekal sa sasoiten grupe sate em pravično akcepcia e preperutnenge taro jekhina em rodovo balansirimo leiba than“..
Ko jekh ko Membro 17 - Šartia ko alusar membria ki Komisia membro šaj te ovel alusardi persona so pherel akala šartia:
            1) te ovel themutno e Republika Utarali Makedonia;
            2) te ovel le 240 kreditoa premal o EKTS jali VII/1 nivelo edukacia em minimum efta berša bukjarno džanlipa ko manušikane niamia kote pandž berša ko umalja taro egaliteto em nadiskriminacia;
            3) ko momenti taro alusar kriseksoro aktea te na ovel krisime upreder šiv masekoa phanlipa jali ma te ovel dendo leske te kerel profesionalno buti m jali aktiviteto;
            (4) te na ovel le desavi funkcia ki politikani partia.

Premal sa odola parametria sar egzamplo jekh taro o kandidatia – Roma so dengja piri kandidatura em sine suportime taro NGO sektori sine o M.r. – Muhamed Toči so si le upreder duj decenie aktivno profesionalno bukjakoro angažmani ko odola umalja ko NGO sektori. Soske nane alusardo ov da odova džanen salde okola so sine ki odoja Komisia. Em čačipaske akava si dujto drom sar dela pi kandidatura (avgo drom ko 2018 berš) em palem na sine alusardo.
O RDS pučela soske em dži kana o Roma ka oven „eskivirime“ tari them akale pučibaske. So si odokhare „problematično“ ako alusarel pe Romani/Rom ki odoja Komisia? Ko kočinela i buti?
Ko jekh o RDS pučela akava da: So ka kerel i Ljatifa Šikovska , i jekhutni romani deputatka ko makedonikano parlamenti , te šaj arakhel pe em garantirinel pe participacia tarp Romni / Rom, ki Komisia čhinavipa em protektiva tari diskriminacia?
Ewm ko agor sar liparibaske e Kanoneske tari i Komisia ko čhinavipa em protektiva tari diskriminacia ko Membro 18ko kotor Aktia ko alusar neve membrora e Komisiake ki nukat 4 tergjola:
„Dži kote o parlamenti na alusarel mmembrora e Komisiake o akti taro alusar palem ka valjani te kerel pe majneveste em te del pe oglas Konkurso ama na majpalune vaktea taro deš divesa“
Epa rajonalen Deputatoa ake tumenge šansa te koregirinen i nepravda kerdi premal i Romani jekhin. Oven korektno!