I manušikani jazia sko drom nane agjaar sar amen so kama. Nesave bukja an o dživdipa anavea "jazia" šaj te heminen pe but faktoria.
Asavki jazia sine servirimi e 15 beršengere Romane čhaveske taro Skopje o Almir Azirović
Taro tikne pre sikavgja afiniteti premal i majlačhi buti an i lumia o Fudbali, sikavibaja piro baro fudbalsko talenti.
Baši egzistencia thaj majlačhe avutnipa ov pire jeriencar - roditelia an o 2012 berš gela an i Germania. Ov odori an o lokalno fudbalsko klubo Bivestet pire 11 beršencar o Almiri sikavel plo baro potenciali. Ko avgo meči dela piro avgo gol. Jekhe beršeske dengja 18 golia.
Palo odova dikhena le taro FC Ottendorf thaj resel transferi an o odova klubi. Ov odothe vazdel o nivelo pire formake thaj tegani oleske sikavel interes o regionalno klubo Kamberg. Kana sa chidingja ko progreso, resela leske akharin te džal an i proba an o bundesligaši Werder Bremen.
O Almiri veke pherel 15 berša thaj kana hazrkergja pe te chidel o drom ko Bremen , oleskere jeria resela negativno decizia aso olengoro thanjariba an i germania, thaj iranen len aeroplanea majurgentno an i Makedonia.
Odolea propeli i bari šansa bašo oleskoro majodoriga profesionalno kariera an o fudbali.
Ko Skopje kana resena ov džal majodorig pire fudbalsko aktivitetea, numa pendžerde i politika amare klubengiri , ov si ignoririme thaj mukhlo pi rig taro Vardar thaj aver fudbalsko klubia.
Ola na notirinen oleskoro fudbalsko potenciali, thaj akana o Almir si zorale ideaja plo avutnipa taro fudbalsko aspekti te kerel le avrial tari Makedonia.
Amende si sako drom agjaar, ov si anglal amare jakha , numa palo odova sa si zadocnime.
Almir Azirović salde dža angle, o vakti si anglal tute!
