Шутка NEWS

Речиси 3.500 жени од Шуто Oризари немаат избрано матичен гинеколог

Македонската асоцијација на гинеколози и акушери (МАГО) по повод Неделата на женското здравје 2024 година организира симпозиум на кој ќе бидат презентирани податоците за ХПВ вакцината, вакцинацијата во бременост, улогата на обезитетот во бременоста и Стандардната оперативна процедура на Центрите за жртви од сексуално насилство.

Согласно податоците од Министерство за здравство и Фондот за здравствено осигурување, во Шуто Оризари има 2.500 жени кои се здравствено осигурани, но немаат одбрано матичен гинеколог, и околу 1.000 жени кои не се осигурани и немаат матичен гинеколог. Согласно законските регулативи во Р. С. Македонија, секој поединец без разлика на работниот статус може здравствено да се осигура и со тоа да се стекне со правото на бесплатни здравствени услуги.

Настан поповод Неделата на женското здравје 2024 - Меѓународниот симпозиум насловен „Здравјето во фокусот на жената“

На 17 мај 2024 година во Хотелот Double Tree Hilton, Скопје, ќе се одржи настан на Македонската асоцијација на гинеколози и акушери (МАГО) по повод Неделата на женското здравје 2024 година.

На самиот настан ќе се обратат: Проф. Др. Горан Димитров, претседател на Македонско Лекарско Друштво, Проф. Др. Глигор Тофоски, претседател на Македонска асоцијација на гинеколози и опстетричари, Др. Ламбе Крстески, матичен гинеколог во Шуто Оризари и Марија Башеска Стојановска, новинарка-толкувач на знаковен јазик во МРТВ, - претставничка од заедницата на лицата со попреченост

Согласно податоците од Министерство за Здравство и Фондот за Здравствено Осигурување, во Шуто Оризари има 2500 жени кои се здравствено осигурани, но немаат одбрано матичен гинеколог, и околу 1000 жени кои не се осигирани и немаат матичен гинеколог. Согласно законските регулативи во Р. С. Македонија, секој поединец без разлика на работниот статус може здравствено да се осигура и со тоа да се стекне со правото на бесплатни здравствени услуги.

Целта на оваа прес-конференција е да се нагласи важноста од редовните превентивни прегледи и рано откривање на здравствените проблеми како и информирање на сите жени во Македонија дека изборот на матичен гинеколог е од клучна важност за редовните превентивни прегледи.

Марија Башеска Стојановска и д-р Ламбе Крстевски, ќе дадат увид од прва рака за предизвиците со кои се соочуваат ранливите групи во пристапот до услугите за сексуално и репродуктивно здравје.

Централниот фокус на Неделата на женското здравје 2024, е меѓународниот симпозиум насловен „Здравјето во фокусот на жената“, специјално дизајниран за специјалисти и специјализанти по гинекологија и акушерство. Овој симпозиум, со интернационален карактер ќеј се одржува во период од 17 до 19 мај 2024 година, а ќе собере голем број на експерти за да се осврнат на актуелните прашања за здравјето на жените. Свеченото отворање ќе биде на 17 мај од 18:00 часот. Во текот на целиот симпозиум, учесниците ќе се вклучат во дискусии и презентации кои покриваат широк спектар на теми, вклучувајќи:

- ХПВ вакцина

- Вакцинација во бременост

- Улогата на обезитетот во бременоста

- Презентација на Стандардната оперативна процедура на Центрите за жртви од сексуално насилство

Симпозиумот има за цел не само да ги унапреди знаењата и вештините на здравствените работници, туку и да ја подигне свеста кај општата популација за клучните аспекти на здравјето на жените.

Северна Македонија: Постизборни комбинаторики – Влада без Ромски преставници – „Веќе видено„ но без ДУИ по 20 години власт - стабилизација или дестабилизација?

Граѓаните на 8 мај на парламентарните и претседателските избори ја дадоа својата „пресуда“ како треба да продолжи државата во наредните четири години. Додека мислиме дека многу проблеми можат да се решат преку избори, сега земјата може да влезе во уште еден лавиринт на постизборна комбинаторики, почнувајќи од формирањето на влада, уставни измени, спроведувањето на Договорот од Преспа, како и многу други прашања кои се фундаментални за државата.

Ден по објавувањето на првите изборни резултати од страна ДИК, Собранието на Северна Македонија ќе изгледа вака –

Kоалицијата „Твоја Македонија“ предводена од ВМРО-ДПМНЕ, на парламентарните избори обезбеди 58 мандати, , Коалиција “ЕВРОПСКИ ФРОНТ’’ - ДУИ

19 мандати, КОАЛИЦИЈА ЗА ЕВРОПСКА ИДНИНА - СДСМ - 18 мандати, КОАЛИЦИЈА ВЛЕН - 13 мандати. Политичка Партија ЛЕВИЦА - 6 мандати и Движење ЗНАМ - За Наша Македонија - 6 мандати. И веднаш се започнати со постизборни комбинаторики.

Скоро е веројатно дека и овој состав на Влада ќе биде без Ромски преставници или „Веќе видено„.

Но според ВМРО ДПМНЕ и претходно најави дека нема намера да каоалицира со ДУИ како дел од албанскиот блок. Но без ДУИ по 20 години власт штоо треба да се очекува? Стабилизација или дестабилизација? Лидерот на ВМРО ДПМНЕ Христијан Мицкоски во емисијата

на Канал 5 рече дека пред да коалицираме со други партии треба да консолидираме 61 пратеничко место. Тој нагласи дека е подготвен за секакви сценарија од страна на ДУИ, по пораката на Али Ахмети дека треба да ги почитува резултатите од изборите за да има мир и стабилност во земјата.

На 8 мај, политичката сцена доби нова димензија во земјата, со убедливата победа на опозициските партии на парламентарните избори. Оваа победа исплива на виделина недовербата на голем дел од гласачкото тело кон се што се случило овие години. Сега, со новиот политички мандат, очекувањата се високи за промени во пристапот кон многу теми. На што се должи ова, тоа е прашање за милион долари.

Македонските граѓани од 1. јуни полесно до работа во Германија

Граѓаните на Северна Македонија, Албанија, Босна и Херцеговина, Косово, Црна Гора и Србија ќе уживаат привилегиран пристап до пазарот на трудот во Германија од 1 јуни 2024 година, според Регулативата за Западен Балкан.

Тоа е затоа што Германија одлучи да го удвои бројот на визи што ќе им се доделуваат на државјаните на овие шест земји за работни цели годишно на 50.000, пишува SchengenVisaInfo.

Од јуни 2024 година, годишната квота ќе се зголеми на 50.000 издадени одобренија од Федералната агенција за труд на Германија.

Новите правила ќе бидат споделени во догледно време, а дотогаш сите термини ќе продолжат да се доделуваат преку системот на лотарија.

Германските амбасади во овие шест земји од Западен Балкан воспоставија систем за месечно извлекување на лотарија кој по случаен избор избира поединци на кои ќе им биде дозволено да закажат термин за да ги поднесат своите барања за виза.

Следната регистрација за термин за работна виза за Германија според Регулативата за Западен Балкан ќе се отвори оваа среда, 7 мај 2024 година, а ќе се затвори по една недела, на 14 мај 2024 година.