Akava berš notirinen pe 22 berša taro formirba tari jekhto thaj jekhutni komuna kote o butipa si o Roma , a odova si i jekhutni an i lumia i komuna Šuto Orizari

Taro olakoro fundiriba an o 1996 berš an o teritorialno hulavipa thaj kanoni teritorialno organizacia taro 2004 berš kote o Skopje si le 10 komune.

I Komuna Šuto Orizari si jekhtune romani komuna an i lumia kote e Romen si len piro dizjakoro šerutno Rom te šaj implementirinen pire nacionalno niamia.

Ko momento dizjakoro šerutno e komunake si o Kurto Duduš. Akana ov an o piro mandato kerel avgo drom organizirimi notacia e jubileoske akale komunake.
Avdive taro 20 o časo ko ploštado e Komunake ka organizirinel pe barvali muzikakiri thaj kulturakiri programa thaj ka hulaven pe diplome thaj notacie bašo persone so kergje majbaro progreso an i afirmacia e Romane naciake an i komuna thaj buvleste.

fShare

Tweet