O Andrij Salko (46) si parume ko Užhorod, Ukraina, oficiri thaj askeri sar o javer Roma Ukraincia so maren pe e ukrainake tari rusiakiri okupacia. Ov sine pharste ratvardo kop hare mariba em palo lungo sasljariba mulo ko 12 aprilo. O lokalno Roma legarena sine o romano falgo trujal oleskoro tabuti legaribaja ko limoria.
O Andrej Yoltanovič Salko si bijame ko 16 avgust 1976 berš an I Ukraina ko Užhorod.
Palo agor tari oleskiri edukacia ov kerel sine buti sar kaštunalo phirno bašo memebli ko diferentno kompanie an I diz. Ov majanglal sine askeri koo 2014 berš kana marel pe sine ko purab e themake mujal o rusko separatistia. Ko vakti kana e rusiakiri armada kergja atako upral I Ukraina ko masek fevruari 2022 berš o Salko palem gelo ko fronti sar askeri te marel pe . Buteder droma sine pgurakerdo bašo oleskoro garvasialipa.
„O Andri sine čačuno, em baro manuš. Sako drom avela sine te dikjhel man em ko manuša kaske trubul sine suporto. Amari čačutni pakjiv dži ki leskiri paše familia em amala akale heroeske ko akava pharo momenti., Neka ovel leske lokhi I phuv” vakergja ko FB o romano aktivisti o Miroslav Horvat taro Užhorod.