Jekh taro majpopularno emisie ki romani TV „Dikh“ si i sapunsko opera Amaro suno” so si ki TV programa taro 2015 berš.

O aver programe ki akaja televizia si ki romani čhib , emisija tari gastronomia thaj muzika.

I romani mahala Kišpešt si jekh taro majčorole kvartoa ki Budimpešta. Odothe si o TV studio „Dikh“ so prekal piri programa ka ovel akceptirime ki trin milionia khera ki Ungaria thaj marel pe mujal o stereotipoa ki Ungaria.

O kanali ka ovel distribuirimo em ko trin šerutne lokalno tv operatoria ko centralnoeuropakere thema so sikaven trujal muzika em aver produkcisko paket programia sar so si debate em avera.

A ko jekh i TV „Dikh“ isi biš džene ki buti ki majmoderno tehnologia.

Ki Ungaria isi maškar 500.000 - 800.000 Roma - maškar 5 thaj 8% taro dizutne so dživdinen majbut marginalizirime thaj diskriminirime taro aver ko sasoitnipa.

Link: https://www.heraldo.es/noticias/sociedad/2019/09/27/la-primera-television-gitana-del-mundo-nace-en-budapest-para-romper-cliches-1335885.html

Aso lipar Internacionalno dive tari tolerancia, o Helsinško komiteto manušikane niamenge organizirinena o 11-to Marši tari tolerancia so ka ikerel pe ko 16 Novembro 2019 berš (savato) startea taro 12 o časo.

O Marši ka počminel anglal o Muzei tari diz Skopje prekal o drom Makedonia dži ko agorutno punkto angal o Univerziteto JIE ki Purani Skopsko Čaršia.
 
I edukacia thaj o terne ka oven o fokusi taro akale beršeskoro nišankeriba taro akava Internacionalno dive tari tolerancia.

O karane si seriozno em sakodive dikhle - majbut egzekutirime em viktimia staro akala aktia si o tikneberšeskere čhave , a o progreso taro maškaretikano terori dopherdo si o istemalkeriba taro socialno netvorko. 
 
Ko agor taro Marši notirinel pe kaj ka oven kerde nekobor diskusie e representeoncar taro organizacie so ka den piro suporto , sako ko plo džanlipa aktivitetoske. Akava akti si suportime taro MOF, HERA, i Koalicia Margini, o Nacionalno Romano centro, Reaktor thaj nacionalno Konsilo rodovo jekhipa (SOŽM) , tergjol ki vaktavin taro Helsinško Komiteto bašo manušikane niamia.