Prekal I andi decizia tar Govermenti e Srbiakoro , o dizutne so dživdinen k nalegalno objektia šaj te den rodaripa te ovel len elektrika, pani thaj kanalizacia ko rok taro 30 divesa, startoja taro 15 septembro , prekal formulari so ka applicirinen dži ko komune kaj dživdinena. O knektiriba šaj te ovel salde jekhe objektske, jail jekh kher taro jekh gazda so odthe dživdinela.
An I Srbia baro numero Roma so kergje pire khera em ka ovel len šajdipe te konektirinen pe ki elektrika, pani, kanalizacia, numa buteder olendar si len nafaisalkerdi imotno situaciua , jail ko si gazda e lokaciake , jail o thana kote si kerde o khera.
Finansiencar arakhena pe o Roma em romane familie , soske salde te šaj konektirinen peki struja si maškar 800 em 900 eura. Sa o dizutne so dživdinena ko nalegalno khera te šaj oven prikljućime ki elektrika, pani em kanalizacia sa dži ko 15 oktobro akava berš.
