Saste palo deš masekoa akala dive startujnggja e kriseskoro procesoi mujal štar policisko bukjarne ko phanlipa Idrizovo . Akaleske dengja informacia o advokati m-r Šenaj Osmanbov sarnadvokati ko kriseskoro spori konektirime e marde Romea S.A. O advokati Osmanov vakergja kaj ko Fundavutno Krisi an Skopje startujngja o proces mujal o štar plicajcoa so si ki buti ko phanlipa Idrizovo kote ko dive 31.12.2022 berš rakjakoro koro 02.20 o časo margje em ratvargje ephanle S.A- taro Skopje –Šuto Orizari , em mujal sa o štar džene policajcia sine ando došperavipaskoro akti bašo maltretiriba ko momenti tari buti aso o akti. 143 taro GK.
Ko akcentia taro došperavipaskro akti em o faktia dende, o došperavde ko kriseskoro proceso vakergje kaj si ćčačedošale em roden taro krisi te del len pohari globa dejbaja lafi kaj majodorig nane te keren asavke bukja ko avera phanle.
Inače liparibaske konektirime akale aktea 31.12.2022 berš (ki neveberšeskiri rakj 2023) odoja rat sine mardo tegnutno phanloo A.S. so ko odova perioodi sine k phanlipa ko Idrizovo.
Em k agor palo dendo em kerdoo proceso o krisi angja decizia kaj sa o štar došperavde vakergje kaj si čače došale em krisinen pe ki sartiali globa kote ko avutne trin berša nane te keren palem asavko akti . O kriso notirinel kaj o advokatia šaj te keren akava civilno mujal akti te rodel kompenzacia” vakerel o advokati Šenaj Osmanov.
