Štar romane čhave an i utarpaščimalo provincia Kirklareli formiringje plo bendi kote i muzika kerena taro hajbaskere čare sar so si limenke, čajniko, tegle so si sar olengere muzikakere instrumentia.
O Romano bendi 39 si formirime tari rig 4 čahvenge so si ko baripa taro 4 dži ko 10 berša so dživdinen an i Igneada kvarti ko Demirkoj an io regioni Kirkaleri. Akala instrumentia istemalkeren len soske nane len love te kinen čače instrumentia.
Dži akana o Leventi Čejlan, Dokunan Tošun, Redžep Tošun thaj Altaj Čejlan ikergje ple "koncertia" kote so dživdinen.
Majimpresivno membri taro Romano bendi 39 sio štarberšengoro Ačtaj Čejlan. Ov pe instrumentea kerdo taro duj tegle thaj o čajniko bašavela e popurane membrencar taro akava bendi. Sar lideri ko bendi si o 10 beršengoro Levent Čejlan, so vakergja kaj jekh dive ka bašavel ko čačutne instrumentia.
„ Amende isi amen salde jekh suno, te ovel amen čačutne instrumentia. Akana amen nane amen lovete šaj čače kinaja instrumentia, numa pakjaja kote jekh dive ka ova čače muzičaria" vakergja o Levent.
