Neko marelpe baši Demokratsko tranzicia thaj mujal diskriminacia upral o Roma, a aver keren biznisia romane pasportenge thaj hovavne dekretencar bašo funkcie
O IRU kote sar šerutno si o Zoran Dimov taro 11 dži ko 13 juli akava berš ikerel Paralemnatrno sesia , kote an i Agenda ka oven nukte so si importantno re Romenge. Maškar o aver ka del pe raporto bašo džiakanutno strategia thaj angažmano, ka kerel pe diskusia bašo Europakiri thaj lumiakiri perspektibva e Romenge., Demoksratsko Tranzicia, resarinaja thaj angažmano e Romenge sar an o lokalno agjaar da ko regionalno, nacionalno Sa akava sikavela jekh permanentno thaj zoralo butikeriba thaj tamikeriba jekh sasti thaj zorali strategia.
Aver rigatar nesave aver "IRU lideria " thaj olengere " partneria" trujal so nane len nisavi strategia thaj akcisko plano ko jekh si ki bari bibaht thaj pharipa te kheden manušen bašo olengere mitingoa (majbut akaharen ple paše manušen tari jekh diz, regiono jali paše them) thaj agjaar ko 4 jakha keren strategia majlačhe bizniseske. O palem notirime kerde akcie so kerel o Nortmund Rudevič tari Latvia ple famosno "romane pasportia" thaj o Dorin Čoaba oleskere " agjaar anavkerde mitingia" ple paše manušencar kote dela len dekretia thaj funkcie te roden love taro EU thema thaj institucie.
Banalno si palem te notirina okova so ola kerena bašo plo personalno biznis intereso. Numa avere rigatar sar "tikne čhavore" mangipaja te keren osptrukcie ola ko "agorutno momento" anen decizie te keren " kvazi parlamentarno mitngia" deš manušencar , te šaj sikaven ake "ola da keren buti thaj organizirinena"
Mesažo taro IRU thaj olakoro prezidento o Zoran Dimov si - Lhinaven te oven sar adolescentia thaj astaren konretno buti. Čhinaven te keren "Copy paste"
O manuša drabaren tumen thaj asana tumenge !
