An o agorutno parlamentarno mitingo an o Beograd so ikergja pe ko 13 Oktobar maskar o aver sine dendo propozalo i Livia Jaroka aktuelno deputato an o Europakoro parlamenti te ovel membri asn i Internacionalno Romani Unia thaj sar membro tari Ungaria ka lel i funkcia vicepresidento an o IRU.
Olakoro membripa an o IRU si but importantno faktea kaj i Livia Jaroka si aktuelno deputato ano Europakoro Parlamento thaj pendjardo romano aktivisto vash o Romane niamia.
Ko jekh olakoro membripa an o IRU ka ovel but baro poyitivno momento amare organizaciake soske ka ova panda majkredibilno anglal europakere thaj aver internacioanlno institucie, so ka shaj te istemalkerel pe olakiri poyicia an o IRU vash majbaro lobi thaj logistika anglal odola institucie.
O Dekreto vash olakoro membripa an o IRU ka ovel dendo ko vakti kana ka ovel man visita thaj ka ovav an o Briselo ki konferencija "Romani Platforma" so ka ovel an o 27 thaj 28 Novembro 2017 bersh.
Ko si i Livia Jaroka o nevo membro an o IRU
Livia Jaroka (biame 6.Oktobar 1974 an i Tata) si Hungariakiri politicaro jekhvash Romane nacionalitetea. Oj sine deputato an o Europakoro parlamento , votime sar kotor taro Fides lista an o 2004 bersh . I Jaroka sine dujto delegato taro Romano nacionaliteto (numa jekhto Romani djuvli) so sine alusardi an o Europakoro parlamento . O jekhto deputato sine o Huan de Dios Ramires Heredia tari Spania so sine deputato an o periodo 1994 - 1999.
I Jaroka barili an o Sopron , foro an o pashipa west simantra mashkar Ungaria thaj Austria. Olakoro dat sine Rom a i daj Ungarka. Kana reslja i diploma vash sociologia taro Centralno Europakoro Univesiteto an i Varsava thaj o kampuso vash edukacia taro Soros fondaciaOpen Societu Institut oj dzala te studirinel antropologia an i Britania , fokusea e Romane picimata thaj kultura. An o avgusto 2003 bersh bijanel chajori, a an o 2007 bersh mursh chavo. An o 2012 bersh agorkerel olakiri post diplomsko vash Socialno Antropologia an o Universitetsko Koledzo an o London.
Membripa
Oj si Presidento e Bukjarne grupake an i Europakiri Nacionalno Partia e Romane Inkluyiake thaj Vice direktori an o Komiteto a Dhuvljane niamia thaj jeripaskor jekhipa. Oj si membri an o Komiteto e Civilno Tromalipa. Niamale thaj kherutnipaskere bukja thaj Delegacia an i Relacia e Indiaja. Oj si vice membri an o Komiteto bukjake thaj socialno pucimata thaj ko Komiteto manushikane hakoenge.
An o 2014 bersh mukhlja i funkcia Eurodeputato m numa an o 15 septembro 2017 bersh palem iriangja pe kana o Lidiko Gali - Pelz iklilo taro Europakoro Parlamento.
Aver aktivitetia
- Romano edukaciakoro fondi
- Grupa e Romenge vash i Diplomatia an o uco nivelo
- Europakoro Romano Informativno Ofiso
- Membro an o ofiso OSI, Programa vash stipendie an o monumento - universiteto e Romenge
Phursako
- Alusardi sar Globalno Lidero e ternenge an o 2008 bersj taro Forumo e Terne Globalno Lideria thaj Lumakoro Ekonomikano Forumo .
- 2006 thaj 2013 Membro an o Eruopakoro Parlamento an o bershskoro phursako an i kategoria vash Jurisdikcia e Fundamentalno Niamia.
- Phursako taro Ekselens Award taro Romaniakoro Ministeriumo basho avrutne aktivitetia thaj socialno integracia an o Minjoritetia an o 2010 bers.
- Phursako taro Presidenteskoro medalja vash lacho aktiviteto e Ungariake thaj olakoro sukcesialo aktiviteto ko vakti e Ungariakoro legaripa e Presidiumea taro Europakoro Konsilo an o 2011 bers.
- Phursako St. Adabalet phursako tari Ungariakiri Asociacia e Hristiansko intelektualcia an o 2011 bersh.
- Phursako “Fundacion Secretariado Gitano" an o 2012.
