An i mapa taro bibnahtalipa e Romenge thaj Jaudienge an i Srbia si čhivde an o nesave lokacie so dži akana na sine pendžarde majbuvle manušenge.
An o 1941 berš salde 4 masekonge o nacistia kergje likvidacia 1.500 Romenge thaj 6.000 Jaudie . odova ulo an i avgo faza taro Holokausti an i Srbia dži ko noemvri 1941 berš.
O havljariba thaj i mapa implementririnel pe taro masek fevruari dži ko juni akava berš an o pervazia e proekteske " Than bibahtalipake - jekhto faza taro Holokausto"
An i mapa arakhle pe desave nevearakhle lokacie sar so si Rakovica thaj Bubanj Potok.
O proekti si barabutne kerdo taro Asociacia e jaudinegere komunenge an i Srbia, o beogradsko Centari vash rodaripa thaj edukacia e Holokausteske thaj o Filozofsko fakulteti an i Rijeka.
O lokacie si Rakovica thaj Bubanj Potok arakhlja len o historičari Milorad Pisari taro Centro vash rodaripa thaj edukacia e Holokaust .
- An i Rakovica salde ko 200 metria taro manastiri sine mudarde 400 Jaudie an o 14 oktomvri 1941 berš
I Lokacia Bubanj Potok panda rodela pe. Isi faktia kaj sine masovno limoria thaj mudariopa numa o numero e viktimengoro panda nane zojrakerdo.
O Nikola Radić Lukati taro odova Centro vakerela: Na sine geotizacia avrial taro dizja numa sine an o dizja thaj sine efta logoria. An o Sajmište sine duj, jekh salde e Jaudinege thaj Romenge a o dujto sar tranzit logori.
Palo odova o logori TOT ki akanutni lokacia Brankovo phurt thaj o Muei moderno arteske. An i Banjica sine duj logoria, jekh tretirinen sine le o germancia, a o dujto e dizjakoro ofiso taro Beograd.
Akte si panda o Topovsko veša thaj Miliševečiskiri ciglana an i Zvezdara.
Sar jekhto logoro sine okova ko Svilare trujal o Pančevo.
