Tehnologija

Artiklirimi si i jekhto Romani Islamsko mobilno aplikacia

Ko masek e posteske -Ramazan , sine mukhli an i funkcia i mobilno aplikacia tari Romani islamsko škola (R.I.Š). Akaja aplikacia si an i romani čhib thaj si jekhto asavki kategoria maškar o Roma .
Taro eratutno dive but džene sikagje interes akale aplikacijake. Koja so šaj te huljarel pe taro Google PlayStore bizo love.

Akana akanaske isi kerdi samo i Android verzija. A i iOS verzija kerela pe, em oj da sigende ka iklol ko AppStore taro Apple. I Romani Islamsko Škola, skratimo R. I. Š. tani Islamsko edukativno centar e Romengoro ki komuna Šuto Orizari, ki diz Skopja ani Republika Utarali Makedonija.

Akaja škola tani kerdi akava berš, 2019 berš, tari rig Hizmetčiengjeri ko čekat Hođa Ibrahim Rufat Ajdineja. Akaja škola tani bazirimi ko Ehl-i-Sunnet ve-l-Đemateskeri akida thaj Ebu Hanifaskoro fikh-sko drumo.

I Romani Islamsko Škola tani neformalno škola, kote o terne romane čave siklona piri pakjavinaskiri funda. Akaja mobilno aplikacija tani kerdi taro o romano diplomirime softversko inženeri o Elvis Hajdar, pe IT kompanijaja Anton Soft.

Aplikacijakoro Linko: http://tiny.cc/0s206y

O Web Portalo Roma Times taro starti akale beršeske an o nevo dizajno

Taro starti akale 2019 berš o Romano web portalo „ Roma Times„ startujngja an o nevo dizajno . O korkoro portalo startujngja te funkcionirinel an o agor taro 2015 berš numa pire artikloncar eštabliringja pe sar importantno segmento an i mediumsko lumia. Ko sasto piro periodo reslje učo rejtingo thaj visitkerdo sine taro sa o manuša an i sasti lumia thaj meridijania. O protalo si informaciencar so keren pe an o trin čhibja - romane, anglikane thaj makedonikane.

Aso o nivelo taro visitkeriba thaj kobor si drabardo maškar i publika , o numero taro visitkeriba sine pobuter taro jekvaš milionia visite, a o drabariba taro dende informacie pobuter taro 1 milioni.
I akanutni visuelno forma akale dizajneske o Roma Times si kerdo an o majmoderno tehnikane standardoa . Trubul te akcentirinel pe kaj baro suporto thaj džanlipa ko sa oleskere aktuelno tehnikane parametria trujal o timi taro Roma Times isi baro procento an i kreacia thaj inventivnost e Kompania Anton Soft thaj olakoro šerutno menažeri Elvis Hajdar kote kergja o sasto redizajno e korkoro Web portaloske.

Sa o dizja thaj gava an i EU ka resen bilovengoro internet thaj WiFi

O thema membria an i Europakiri Unia dengje suporto e inicijativake „WiFi4EU” so havela bilovengoro avipa dži ko internet thaj WiFi netvorko an o dizja thaj o gava.

O suporto e inicijativake alo palo trub masekoa kana o presidento e Europakere Komisiake Žan Klod Junker sikavgja o plani kote o ofisia an o lokalno nivelo tarp EU si mukhle e dizutnenge an o dizja thaj gava ka del bilovengiri konekcia thaj an o WiFi netvorko. 

Citește mai departe...
FaLang translation system by Faboba

Mangava te vakerav

Momentalno Online

       Isi 245 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali