Tehnologija

O Aleksandar Baurov rusijsakoro Rom so kergja thaj lansiringja I avgo vselensko raketa

O Aleksandar Baurov si rusiakoro Rom tari familia kote soine pendžarde artistoa, muzičaria thaj giljavutne. Ov bašavel sine gitara ko Ansambli , ama em studirinela sine elektromehanika thaj komunikacia  an o Leningrad. Ko vakti tari Dujto lumiakoro maripa sine notirime sar komandanti baši konekcia thaj suporto e Armiake em palo odova ulo komandanti e 1-to havaeskiri divizia. Palo o mariba ov sine phursarkerdo sar nacionalno heroi , em gelo ko sovetsko korpusi taro inžineria so kergje em lansisirngje I avgo sovetsko raketa em khelgja importantno rolja ki programa Sputnik 1.

Ko 4 oktomvro 1957 berš  o Sputnik 1 sine sukcesiale lansisirme ki orbita e Phuvjake sar lipar ki Oktobarsko revolucia. Sine lansisirme taro kosmodromi so tegani sine ko ex SSSR an o Bajkonur , ko avdisutno Kazahstan.

o RomaTimes sine atakirime

Ko paluno vakti primetingen kaj o RomaTimes phravgjovela sine but bavno. I pričina tani so o RomaTimes sine kerdo atako upri leste.

Ko vakti kana isi but demokratija svako jek te ovel le šajdipe te kerel websajti. Iklona but konkurencija maškar peste. I konkurencija anela ljubomora em rodela pe metoda sar šaj te "mudare" te konkurencija i samo tu te gospodarine. 

Dali akate te spomnina i Biblisko paramis bašo o Abel em o Kain. Jek phral za te ovel po manglo mudargja okole phrale.

Amen sar RomaTimes izvininajamen baši i situacija. 

Bahtalo bijando dive: O Tom em Džeri utsavalkeren 80 berša!

O popularno anamirane persone , o mačori Tom em o khandoj Džeri , akava kurko pherena 80 berša sar počmingje. I storia baši mačka em o khandoj so dživdinen ko jekh kher em sako drom keren sine ko kaste ka nakhavel , prekal interesno situacie, sar idea iklili taro olfiso baši animacia ki filmeskiri produkcia MGM. O autoria Bill Hanna em Joe Barbera sine len mangin te resen o sukcesi taro Volt Dizni.

 

I jekhto epizoda si editirime 1940 berš kote I mačkja ko starti sine anavkerdi sar Džasper, a o khandoj – Džinks. Resle baro sukcesi em angja nominacia taro Oskar  bašo majšukar tikno animirimo filmi ko studio.

 

Palo odova o Džasper em o Džinks sine anavkerdi aver čhane sar Tom em Džeri. Trujal odova ka kerel li lafi jali na o autoria dikhle o reslo sukcesi taro nemo filmia taro Čarli Čaplin , em džanle kaj o rolje ka ove interesno em bizo dijalog.

 

I muzika akale animirime filmeske komponiringja ola o Skot Bredli, a o pendžardo manušikano pištibe taro Tom kergja le personalno o Hana.

 

O avgo 20 berša  o Hana em o Barbera artikliringje upreder 100 tikne anmirime filmia , a sako filmi ko prosek koštinel sine 50.000 dolaria.

 

O Bil Hana mulo ko 2001 berš, a o Džo Barbera ko 2006 berš.

 

I autorizacia te šaj sikavel akala animirano filmia “Tom & Džeri“ avdive si la e kompania Vorner Bros. Planirinel pe em nevo filmi angleder o katoličko Božiko akava 2020 berš.

Artiklirimi si i jekhto Romani Islamsko mobilno aplikacia

Ko masek e posteske -Ramazan , sine mukhli an i funkcia i mobilno aplikacia tari Romani islamsko škola (R.I.Š). Akaja aplikacia si an i romani čhib thaj si jekhto asavki kategoria maškar o Roma .
Taro eratutno dive but džene sikagje interes akale aplikacijake. Koja so šaj te huljarel pe taro Google PlayStore bizo love.

Akana akanaske isi kerdi samo i Android verzija. A i iOS verzija kerela pe, em oj da sigende ka iklol ko AppStore taro Apple. I Romani Islamsko Škola, skratimo R. I. Š. tani Islamsko edukativno centar e Romengoro ki komuna Šuto Orizari, ki diz Skopja ani Republika Utarali Makedonija.

Akaja škola tani kerdi akava berš, 2019 berš, tari rig Hizmetčiengjeri ko čekat Hođa Ibrahim Rufat Ajdineja. Akaja škola tani bazirimi ko Ehl-i-Sunnet ve-l-Đemateskeri akida thaj Ebu Hanifaskoro fikh-sko drumo.

I Romani Islamsko Škola tani neformalno škola, kote o terne romane čave siklona piri pakjavinaskiri funda. Akaja mobilno aplikacija tani kerdi taro o romano diplomirime softversko inženeri o Elvis Hajdar, pe IT kompanijaja Anton Soft.

Aplikacijakoro Linko: http://tiny.cc/0s206y

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 224 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali