Šutka NEWS

25 beršengoro dizutno taro Šuto Orizari našavgja piro dživdipa – našavgja kontrola upral o motorciklo em iklilo taro drumo

Baiš thaj pan beršengoro terno taro Šuto Orizari idžerati našavgja piro dživdipa kana pire motorcikloa iklilo taro drom ko autodrom Skopje – Tetovo. Sar so vakerel I pollicia I bibaht uli ko trintodi paše ko 21 o časo ko autodrom Skopje –Tetovo ki obikolnica trujal Mirkovci. O D.Z (25) taro Šuto orizari paldel sine motorciklo tipi “Aprilia” skopsko registrasko tablicencar, našavgja I kontorla em iklilo taro drom. Pali I bibaht o D.Z. sine legardo ko dizjakoro hospital “ Sv. Naum Ohridski” kote so em mulo.
Kerdi si opservacia ko than e bibahtake a palo dendo dekreto taro Javno obviniteli o terno legardo si ki obdukcia.

Mulo o Amdi Bajram

Avdive ko 24 oktobro 2020 berš mulo o Amdi Bajram., president e Partiake Sojuzi e Romengoro tari Makedonia em buteberšengoro romano deputato ko makedonikano Parlamento.
Bijamo si ko 30 avgusti 1956 berš ko Skopje em si le agorkerdo maškarutni trgovsko škola. O Bajram ulo deputato ko 1994 berš sar membro e Partiake baši Sasti emancipacija e Romengiri – PCER ama dži ko agor e mandatiske sine palo odova sar biathinalo deputato. Ko 1996 berš formirinel I partia SRM em sine notirime sar olakoro president, Ko period 1998 – 2002 koalicirinel e partijaja VMRO-DPMNE legardi taro Ljupči Georgievski. Ko 2008 berš
Khuvgja ki koalicia e VMRO –DPMNE kote premieri sine Nikola Gruevski. O Bajram čhinavgja I koalicia e VMRO –DPMNE kana I partia geli ki opozicia ko parlamentarno alusariba ko 2016 berš em gelo te koalicirinel e SDSM em o premieri Zoran Zaev. Ko agorutne Parlamentarno alusariba akava berš taro sastipaskere karane na sine kandidati ko liste bašo parlamentarno deputato.

Štar berša taro meriba e avgoo romano deputateske ko Parlamenti tari Republika Makedonia o Faik Abdi

O faik Abdi si bijame ko Skopje ko 2 mart 1937 berš. Si le agorkerdo maškarutni edukacia , a kerel sine buti sar konsiliaro bapi ekonomia thaj plano ko fabrika lilenge „Komuna“ ko Skopje. Sine deputato ko dizjakoro parlamenti ko Skopje thaj ko Kherdipa taro teganutni SRM ko periodi taro 1969 dži ko 1974 berš. Ki biathinali Republika Makedonija sine le duj droma mandato sar deputato ko Parlamenti ko periodi 1990 – 1998 berš. Buteder berša sine presidento ko KUD „Phralipa“ Skopje thaj funderi em presidento ki avgo Romani politiklani Partija PCERM . O Faik Abdi ko jekh lela than koJekhto Romano Lumiakoro Kongreso ko London ko 1971 berš. Mulo ko 2 oktobro 2016 berš.

Rekonstruirinel pe u dujto faza taro o drom Indira Gandi ko Šuto Orizari

O ekipe tari diz Skopje, počmingje i dujto faza tari rekonstrukcia e dromeske Indira Gandi ki komuna Šuto Orizari. O nevikeriba e dujto kotoreske ko akava frekfrentno drumo notirinel pe kaj ka agorkerel bašo 50 divesa.

- Sar so dengjem lafi persi anglonilaj kana startujngja I rekonstrukcia e avgo fazake taro o drom Indira Gandi , akava anglonilja džaja majodoriga ki rekonstrukcia ki dujto faza taro o drom Indira Gandi so si lungo 800 metria, taro drom Butelski Venec dži ko Nov Život

Ka oavel ikavdo o purano asfalti so si sate zijankerdo , ka ikaven pe o purine zijankerde trotoaria em o kjošia. I investicia tari diz Skopje akale proektoske si paše upreder 200.000 eura – vakergja e dizjakooro šerutno Šilegov, ko starti bukjake ko drom Indira Gandi.

Ov akcentiringja kaj ko thavdipa tari I rekonstrukcia akale kotoreske , ka ovel ko jekh implementirime aver trafikoskoro režimo.

-Bičhavav apeli dži ko dizutne te respektirinen akava akanutno trafikoskoro režimo , mangipaja te šaj majsiga te agorkera I rekonstrukcia akale dromeske so pobuter taro 30 berša nane rekonstruirimo. I diz Skopje kerel napia ko sa o kotora e dizjake soske sa o dizutne amenge si jekh a jekh em trubul savoren te ovel olen lačhi infrastruktura.

Ko starto akale anglonilaeske , kana ka stratujnel I sezona taro sadiba , akate ka kera em nevo parko – avgo parko so ka hortikulturno formaja ka kerel le I diz Skopje ko Šuto Orizari bašo akale dizutne - vakergja o Šilegov.

FaLang translation system by Faboba

Mangava te vakerav

Momentalno Online

       Isi 103 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali