Sport

Jasmin Ramić: „Ko ringo sikavgjum kaj isi man „romano ilo“

O Jasmin Ramić popendžardo sar „Lioneskoro ilo“ si membro ko Kik boks klubi „Panter“ tari Bjelina ki BiH. Pire garvasialipaja em baripaja em perfektno tehnika akava terno Rom tari Bjelina lelja o ile tari publika.

Trujal so o klubi „Panter“na istemalkeren o budžetsko love tari diz Bjelina em funkcionirinen bizo sponzoria, o klubi kerel but baši i kariera akale talentirime boksereske.

Trujal I kariera taro Jasmin ole sine le mečia diferentno rivalencar ko diferentno kategorie em trujal o amatersko boksi ov marel pe sine em ko prifi mečia taro K-1.

Ov vakerel kaj o kik boksi irangja oleskoro dživdipa em sine le phare momentoa em gind te mukhel o boksi.

Trujal so sine le laćhe rezultatia našti sine te egzistirinel taro akava sporti. Počmingja te kerel buti ko agrari em ko odola momentia gindinel sine kaj odova si majšukar opcia.

Palo trinberšengiri pauza palo o lafikeriba oleskere trenerea Dimitar Jovanović – Rox palem khuvela ko ring em palem boksirinel. O treningoa džana sine pohari em ko avgo turniri reslja o avgo than kote than lele em but aver seriozno borcia.

Ov sikavgja kaj isi le čače romano ilo. Ov vakergja kaj e rivalen na alusarel , savoren respektirinel em ko mečia džala dži ko agor. Faktea so isi akana o šartia ov vakerel kaj si but čalo.

Sar mesažo dži ko terne Roma o Jasmin vakerel kaj prioriteti si i edukacia , soske ov na educiringja pe.

Dujto buti si te sportujnen o Roma em si but talentirano nacia.

Link: http://www.portal-udar.net/jasmin-ramic-u-ringu-sam-pokazao-sta-znaci-romsko-srce/?fbclid=IwAR2JhK__LBs2EHCAj5VMkL0Ln3M1l5mYTp20XpCQ1NQSwdELoPf560hfA-c

I Makedonia ka ovel organizatori e Lumiakere šampionateske ko fudbali bašo naathinalime thema, regionia jali fudbalsko federacie. Than ka lel em i fudbalsko reprezentacia taro Roma!

I Makedonia taro 30 maj dži ko 7 juni 2020 berš ka ovel organizatori e Lumiakere šampionateske ko fudbali. Ki akaja informacia so dikhel pe sar jekh interesno informacia valjani te drabarel pe dži ko agor. O odova si kaj ko akava šampionati ka len than thema so nane verifikujme an o UN , FIFA jali UEFA, jali si ekstra regionoa. Odova nane nisavi konekcia e FFM-ea, em e themaja.

O mešia ka khele pe ki Arena “Todor Proevski” so si sar komercialno stadioni em šaj te rentinen le ko mangela.

I KONIFA jali Konfederacia taro biathinale fudbalsko asociacie. Ofiso kaj si membria akala reprezentacie. Odoleske si kontraverzno akava šampionati. Khelel pe ko sako duj berša, a o agorutno šampioni si I reprezentacia tari Karpatia, regioni ki Ukraina so ko finale margja e selekcia taro North Kipar.

Ko akala Lumiakere šampionatia – Mundialia thaj ka len o selekcie taro Krim, Abhazia, South osetia, I selekcia taro Roma, Kurdistan, Tibet, Kwebeck, Zanzibar, Paščimali Ermenia, Čemeria, Padania, Somalilend, Paščimali Sahara, Mapuče, Transkarpatia, Darfur, Matabelileland, Kabilia em Kaskadija.

Čehiakoro kikbokseri Rom reslja somnakaeskoro medali ko Saraevo

O Rom Vakslav Sivak reslja somanakeskoro medali an o seniorsko lumiakoro šampionati ko kikboks , o Vasklav Sivak so ikergja pe nakhlo vikendi ko Saraevo , Bosna thaj Hercegovina kote margja e kikboksere taro Kazahstan ko finale te šaj te ovel avgo lumiakoro šampioni ko kikboks tari Čehia.
O šampionati sine organizirime tari bari lumiakiri asociacia ko kik boks I organizacia WAKO.

Odoja internacionalno organizacia ko kikboks si la sertifikato bašo mečia ko amatersko kikboksi. Oleskoro ofiso legarel akava sporto ko amatersko nivelo.

„Kerdo si historia! Ko 25 oktobro 2019 e čehiakoro kikbokseri khuvgja ko analia akale sportoske”, havljarel pe ki oficialno web rig tari Čehiakiri Unia bašo kontaktem sportikano borbe, havljardo si ki web rig.

Ko momneti o Sivik si šampioni ki kategoria К-1 muršenge ki kategoria dži ko 67 kg thaj majhari. Persi berš pv reslja somankaeskiri medalja ko juniorsko šampionati ko WAKO asociacia ko Skopje, Makedonia ki kategoria К-1 muršenge kategoriaja 63,5 kg jali pohari.

Link: http://www.romea.cz/en/news/world/czech-kickboxer-of-romani-origin-wins-gold-in-sarajevo?fbclid=IwAR290o5a9D_Xt9EMZFQyZiSWKMe_UtruQH2KL8k0L8aEIBe4-giWbu9Ij9M#.XbgFXlpZXqM.facebook

Emir Ibraim startujngja viktoriaja ko Lumiakoro šampionati ko kik boksi

O Emir Ibraim reslja đži ki avgo viktoria e Makedoniake ko Lumiakoro seniorsko šampionati ko Saraevo ki Bosna thaj Hercegovina, kana margja e Ruci Lučijano taro Grcia 3-0.

O Emir ko sasto meči sine pošukar ko sa o trin runde, primal o informacie.
O Ibraim ko ¼ finale ka marel pe e rusko reprezentativcoa o Boris Shikunov a te viktoriringja oleja da ka resel than ko jekvashfinale em majhari bronzeno medalja.

O Daniel Mitrov reslja sar rivali ko ¼ finale o Maksim Kazaku tari Moldavia . Ko jekh sar rivali havgja em o Robert Kostovski so ka marel pe mujal o Soni Dagread tari Belgia ko ¼ finalno mechi.
O aver representoa ka maren pe tajsa.

FaLang translation system by Faboba

Mangava te vakerav

Momentalno Online

       Isi 79 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali