Sport

Boks – sporti kote buteder Roma si len bare titule

Trujal so si hramosardo bašo bokseria but, I romani jekhin o numero okolemgoro so kergej bare mečia ko ringo nane tikno. Buteder olendar si panda aktivno sar bokseria mesave na trenirinena taro sportoa so mukhle lenge bare lizne , a neko olendar sine irame taro kariere sebepi o dujto lumiakoro maripa.
Majpendžarde romane bokseria
Johan Vilhelm Trolman
Angleder 80 berša o Johan Vilhelm Trolman sine dominantno ki riongo ki Germania. Oleskoro džanlipa ko rongo dela le sine perspektiva ki kariera., ama o nacistoa na mukhle ni jekh Rom darhiencar sar Sintio te viktoririnel averen trujal telal Germaniakoro flago.
Tajson Fjuri
Saste nane europakiri jali lumiakiri titular kote so nane lendi taro Tajson Fjuri. Ole si le titule ki WBA, IBO, WBO thaj IBF em pozicioniringja pe sar šampioni ko buteder irsko, britansko, europsko , comovonvelt em lumiakere šampionatia . O bokseri vakergja kaj ka džal te dživdinel ki USA soske keren leske bari diskriminacua ju Britania, Ov vakerela:”Me sum Rom em sako drom ka ovav me Rom nikana nane te ovav aver”
Jakob Bamberg
Ov sine trgovco grastencar em dirigenti ama em but šukar bokseri, Sar but aver sukcesiale Sinti ki Germania ko periodi taro II Lumiakoro maripa sine le pharo dživdipa. Sine em ko holokausti , a palo agor e maripaske toj ulo pendžardo aktivistiu manušikane niamenge bašo Roma em o Sinti.
I boksersko karieara taro Bamberger sine but sukcesiali dži ko 1933 berš ama na sine but lungo. Kop le 23 berša ov sine ko olimpisko timi tari Germania ama palo odova sine ikavdo tari reprezentacia siske sar buteder avera na sine tari “arievsko rasa”.
Bili Joe Saunders
Profi britansko bokseri o Bili Joe Sauders sine Lumiakoro boksersko šampioni taro 2015 dži ko 2018 berš . Ko periodi maškar 2012 – 2015 berš ov sine šampioni ki Europa, Britania em Komonvelst ki maškarutni kategorija . Lelja than em ki Olimpiada ko Peking ko 2008 berš ama na reslja baro sukcesi.
Domeniko Spada sine italioansko šampioni ki juniorsko em seniorsko kategoria. Ov margja pe ko 45 merčia a viktoriringja ko 34. Nekobor droma margja pee m phursakoske ki WBC verzia em llelja rupuni . srebreno tutula. Ko 2005 berš ov reslja o baro internacionalno phursako tari IBF (Internacionalno Boksersko Federacia)

Taro 1000 marke bašo sako dendo goli, dži sar šoferi kombeske ki Germania : I storia taro majšukar romano fudbaleri ki Srbia o Dejan Osmanović

- Ko mlo vakti na sine You Tube sa o golia so dengjum ka oven sine dikhle saatencar- vakerel o legendarno Dejan Osmanović so majodoriga si bibahtalo so na uravgja o dresi tari beogradsko partizan . So kerel akana buti o Dejan Osmanović? Odova pučena pe sa o fudbalsko simaptizeria so dikhen sine o fudbali ko periodi taro 1990-2000  berš kana o Kalea sine pandžardo ko fudbalsko stadionia ki buvli teganutni Jugoslavia, Srbia em Montenegero em khelgja sa dži paše o pandžto decenia dživdipaskiri. O popularno Kalea dživdinel ko Vrabje em avel ko ofiso taro plo klubi Dinamo taro Vranje kote isi specialno murali oleskere likoa . Save legendake kerel pe lafi fakti si kaj ov dži tegani dengja trin cefirengere golia ko šampionia , a na khelgja ni baši Crvena Zvezda jali bašo Parizan so mangel sine em sine le suno taro majterne berša te khelel oleske.

Taro oleskoro debi mujal Hajduk tari Bela Kula ko šampionati taro 1996 berš kana dengja goli mujal o Partizan (1:2), pa sa dži ko 2008 berš kana dengja goli e Radiša Matičeske, golmani taro OFK Beograd (4:2), O Osmanović dengja barabutne 101 goli em oleskoro anav si hramosardo ki fudbalsko historia tari Srbia. Ov bare nsotalgijaja vakerel o vakti kana sine ki “ful forma” ko fudbaslko satdionia . Vakerel bašo šukar momentia em bašo kerkje momentia tari oleskiri kariera  kana diskriminirinen le sine so si Rom . Odova del kle sine majbaro motivo te „pharavel o mreže“ Sine le momentia kana o halfia taro C.Zvezda vakeren leske sine ko vakti taro utakmice, te „kočinel“ hari soske ale skautia te dikhen olen te špaj keren fudbalsko transfer ko stranstvo em ma te ladžavkerel olen. Sine lem em avanture em ki Špania em Brasil  em oleskoro vranjansko temepreamenti. O Kalea ko plo vakti resel sine em te lel po 1000 marek bapo sako dendo goli sar bonusi ama na garavgja but e lovendar so ko agor ulo šoferi kombea so vozinel sine taro Vranje dži ki Germania. Em si but pišmani so na džangja te kerel buti pošukar e lovencar.Taro nakerde mangina si so na khelgja e fudbalsko reprezentaciake em bašo FK Partizan taro Beograd . Akana sium bizi buti. Po desavo drom avava ko klubi te dav suporto em te dikhav man e amalencar soske o fudbali si miro dživdipa. Akate familiarno tradicia ko Vranje si te ovel amen nadimkoa. Miro ačhilo taro mo dat soske ov da khelel sine fudbali em me da zamangljum akava sproti taro mle majtikne berša.

Taro fudbalsko anava majbut respektirinav e Vukičevič, e Savičević o Piksi, Mijatović Ola si fudbalsko velikania em čerenja.

 

Link: https://www.telegraf.rs/sport/fudbal/3203240-dejan-osmanovic-intervju-hajduk-kula-ekstramadura-vitorija-jugoslavija?fbclid=IwAR3smp7q9pSdfAPkMpCqHvyvUJPuMLND4WBL11vZhVxf9yqZ74V4ZPPUpaw

Nedžip Sulejmanovski - Avgo profesionalno Bodibilderi, Romano em makedonikano baripa - Apsolutno šampioni ko Bodibilding bašo 2020 berš

O Nedžip Sulejmanovski (30) si biame ko Skopje em aktuelno šampioni e Makedonike ki phari kategoria em apsolutno kategoria ko Bodibilding bašo 2020 berš!.

Ova kale sportoske počmingja te sikavel baro interes taro pire 22 berša. Ova kana kerel buti sar fitness treneri em masažeri. Akale sprotoske zainteresiringja pee m o avgo treningoa kerel len sine khere . Palo duj berša notirime progresi  em keriba neto muskulno masa taro 20 kg angja decizia kaj ka khuvel ko profesionalno panja akale sporteske. Piro profesionalno angažmani počmingja ko 2014 berš kana kergja strogo režimi taro treningoa em hajbe ko majučo nivelo. Sa odova rezultiringja ko 2018 berš kana lelja than ko šampionati e Makedoniakoro ki Bitola ki kategoria dži ko 80 kg em reslja dži ko 4-to than sar kotor taro bodibilding timi Magnus. Odova sine leske motive panda pobuter te trenirinel Odova rezultiringja panda ko pobaro sukcesi. Akana ko 23 avgusti akava berš ko Dizjakoro parko ikergja pe šampionati ko Bodibilding. O Sulejmanovski ko akava dujto baro šampionati  palem sine kotor e timeske Magnus kote viktoriringja ki piri kategoria –phari kategoria emu lo šampioni a plus legargja I viktoria em sar apsolutni šampioni .

Sar so vakerel ov e portaleske Roma Times  o korkoro Sulejmanovski si but čalo taro akala rezultatia barabutne oleskere trenerea o Dragan Paunović – Oleskiri avutni mangin em resarin so ko 12 Oktobro ko pendžarutno  Diamond Cup so si taro internacionalno karakteri udžarel majučo plasmano so kergja focus oleskere treningonge ko akala berša so nakhlje.

O Sulejmanovski pohrai khedel o simpatie e bare publikake  em o ljubitelia akale sportoske  em šaj te notirina kaj si akana Romani em makedonikani baripa em motive e m majterbe generacienge te počminen akale sportoa so si lale but pharo.

Trubul te vakerel pe kaj valjani I buvli publika, o mediumia em I them te sikaven majbaro interes akale bare talenteske so čače si le sa o kapacitetia , amare them ate representirinel ko majučo nivelo  em ko internacionalno pervazia. Nedžip tuja sijam!

 

Rab Howell: Avgo em jekhutno Rom fudbalero so khelgja baši anglikani reprezentacia em bašo FC Liverpul

Kana ko 1890 berš khelgja bašo Šefild Junajted o Rab siune čačutni senzacia. Ko periodo so avilo džanel pe kaj o Roma keren sine o majmizerno bukja em sine čačutno dikhiba kaj jekh „čačutno Rom“ khelela ko jekh baro klubo.

 

O Rab Hauvel sine sukcesialo fudbalero , talentirime kote palo Šefild but sig khelgja em bašo Liverpul a palo odova em bašpi anbglisko fudbalsko reprezentacia em reslja kvalifikacia sar jekhto Rom so khelgja bapi anglisko fudbalsko reprezentacia.

O Hauvel si biame ko 1867. Ko romano karavano ko Vajnobank distrikto ko Šefild. Angleder te ovel pendđardo sar fudbaleri so khelgja ko Šefild Junajted em Liverpul ov khelel sine bašo Ecclesfield thaj Rotherham Swifts.

 

Sine perfektno fudbalero trujal so sine učo salde 165 cm . Počmingja ko atakoskoro kotorko timi a palo odova khelgja palal em odothe sine dži ko agor e karierake.

Ko lil „100 majbare ko Sheffield United Football Club”, o Denis Clarebourth vakeren sine kaj sine baro fudbalero em ilustririmo sar “zoralo nokto”

 

O agorutno klubi so khelgja si palo Liverpul Preston North End.  Тov ko Liverpul khelgja 68 mečia, a ko Preston na ačhilo but soske ko 1903 berš pšhaglja piro pro em agorkergja piri kariera,

Ačhilo te dživdinel ko Preston, kerel sine buti sar sekjuriti ki jekh fabrika. Sine le but bilačhi nasvalipa em ačhilo em kororo , a mulo ko 1937 berš ko ple 69 berša.

 

Link: http://www.portal-udar.net/rab-howell-prvi-i-jedini-rom-koji-je-igrao-za-fudbalski-tim-engleske-i-liverpool-f-c/

FaLang translation system by Faboba

Mangava te vakerav

Momentalno Online

       Isi 156 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali