O Vaclav Sivak jekh taro majšukare kikbokseria an I Čehia notiringja nevi viktoria. Ko vakti tari gala performansi ki Real Fight Arena (RFA) 14 an o Košice an I Slovakia, ov ko penia viktoriringja e germansko kik boksere Kristofer Hop so sikavgja pe sar zoralo bokseri . odoleske o Sivak ikergja iro rekordi bizo našavdo meči ko dži akantune 24 mečia . Ov sine favorite kanglal akava meći soske sine le 23 viktorie thaj ni jekh našavdo meči em margja pe rivale rezultatea 16-14.

Trujal I dominacia so sine e Sivak  o Hop na dengja pe lolheste em hari našavgja ki avgo rota. O arbitria ko agor I viktoria dengje e Sivakoske  ko poenia ama ov na sine čalo palo meči .

„Respekti  oleske. Ov sine  zoralo rivali sar so šaj sine te dikhen korkoro. Ova na sine so te našavel” vakergja o Sivak, so si bijame ki Ostrava  em palo meči sikavgja šukrikerin dži ki organizacia RFA so dengje ole šansa te ovel ko akava meći. „Akate sium sar khere an o ringo em valjani te marav man. Bari šukrikerin dži ki RFA e dende šansake” vakergja o Sivak so na sine ko kefi soske na margja nokautea.

Link: https://romea.cz/en/world/romani-kickboxer-vaclav-sivak-remains-undefeated-after-his-24th-straight-victory

O simpatizeria e bokseske panda na našavgje I pakjiv kaj ka ovel boks meči maškar o Tajson Fjuri thaj Aleksandar Usik , so ka del e apslutno šampione ki phari kategporia.

O promotri tari Fjuri , o Bob Arum angleder desave divesa vakergja kaj olengoro boks meči šaj te ovel bašo decembro akava berš jail ko starti taro nevo berš.

O Thagar e Romengoro ko agorutno vakti ntirinela kaj leske ko momenti k avg than si o love, a odva notiringja le pak ko intervju baši TV Fight hab sar promocia e mečeske so ka ovel le mujal o Frensis Ngnau ko 28 oktombro ki Saudisko Arabia.

O britanco notiringja kaj šaj te dikhel I opcia da te ovel le boks meč e Usika dži kote leskoro potencialno rivali akceptirinel te lel potikno honorari.

„Sine li mange desavo drom ov pririteto? Kana me vakergjum kaj mangav te ovav apsolutno šampioni? O avera sako drom mangena sine odova “, vakergja o Tajson Fjuri em notiringja:

„Isi man akana buti e Frensis Nganu. Ako odoja tikni kobasica mangel te marel pe baši titula em si hazri te kerel odova bašo potikno honorari , šaj te avel dži ko odova meči. Te rodingja pobuter love, tegani nane te ovel odova meči.  O Usik thaj leskoro timi nesar traingje, dengjum len šansa o meči te ovel ko Vembli, a amen džaja podoriga. Akana adžikerav o meči e Nganuea koj ka ovel pošukare”

.