Historia e giljake Herdelezi

Herdelezi si popularno tradicionalno romani gili so avel taro Balkani. O anav e giljake Herdelezi si sebepi o baro dive e romengoro "Herdelezi" thaj keriba akale diveseske so kerel pe anglal o nilaj ko 6 Maj. I pendžardi gili Herdelezi uli ko "Treni meribaske" so džala sine taro Saraevo dži ko Jasenovac, vakergja o profesori Žarko Vidović, histričari bašo arti taro Saraevo, so sine but baro konc logori ko 1942 berš.

Sar svedoko akava historičari , o Roma bašo Herdelezi phanle len ko vagonia bašo hajvania thaj palo ando dekreti taro NDH i policia legargja len ko "Herdelezeskoro uštipa".

 

O Vidović sine phanlo dži ko 1942 berš majanglal ko germansko palo odova ko ustaško phanlipa. Ko "Baro transporti" legardo si taro Jasenovac , legardo si ko logori Narvik an i Norveška.

Prekal oleskere lafia ko drumo premal o logori , o phanle ko vagonia bizo hajbe thaj pijbe sine len dar thaj nadžanlipa. Ko odova haosi jekh olendar , vakeren kaj sine membro an o saraevsko "Sloga" sar dar thaj baripa giljavgja la "Herdelezi"

Sebepi akava o ustašia phanle o vagonia, a o phanle ačhile bizo lufti stegime jekh upral o javer. Taro 3.000 kobor so chidingje ko drumo taro Saraevo dži ko Jasenovac, resle 2.000, a olendar salde 200 džene nakhavgje e logoroskiri tortura.

I gili si giljavdi thaj an o filmi taro Emir Kusturica " Dom za vešanje" kote so uli panda majpopularno. Ko filmi akaja gilji giljavgja la i romani giljavutni tari Makedonia i Vaska Jankovska.

 

Herdelezi

Sa me amala oro khelena

Oro khelena, dive kerena

Sa o Roma daje

Sa o Roma babo babo

Sa o Roma o daje

Sa o Roma babo babo

Ederlezi, Ederlezi

Sa o Roma daje

Sa o Roma babo, e bakren chinen

A me, chorro, dural beshava

Romano dive, amaro dive

Amaro dive, Ederlezi

E devado babo, amenge bakro

Sa o Roma babo, e bakren chinen

Sa o Roma babo babo

Sa o Roma o daje

Sa o Roma babo babo

Ederlezi, Ederlezi

Sa o Roma daje

 

Link:

 

Pin It
FaLang translation system by Faboba

Mangava te vakerav

Momentalno Online

       Isi 137 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali