Socijala

I Germania taro 1 juni phravel o udara bašo upreder 50.000 bukjarne, o Makedoncia avgo ki lista

Taro 1 juni – savato o Makedoncia majlkheste šaj arakhen buti ki Germania . Startujnela I trinto faza taro Kanni bašo aviba kvalifikujmo bukjarno personali , resarinaja te pherel pe kadar bukjarnencar so si deficitarno ki Germania. O numero ka ovel duplo pobaro  bašo dizutne taro Paščimalo Balkani maškar so thaj I Makedonia. Ko than sar s sine dži akana 25.000, сbukjaja šaj majsiga te počminen 50.000 bukjarne. – Valjani sekakvo stručno kadari, a buvljaripaja tari I veštačko intelegencia , majbuut trubul IT ekspertoa, prgrameria, vakerel  Urlih Caitel, membr k Ekonomsko konsili ko CDU. O trampe na legarel pe ko bukjarne thana kote trubul nostrifikacia e diplmenge , sar so si doktoria thaj medicinsko personali. Bašo sa aver profesie , kote o diplme si validno an I Germania  thaj si len 2 berš staži ki piri them, na trubul nisavo dokaz. E Germaniakiri dualno edukacia  phravela pakjiv ki makedonsk ekonmia ,  numa thaj dar kaj sa pobuter bukjarne ka džan avrial pali pošukar pukjimi buti.  Avgoo efektia si pozitvno vakerena o Germancia, numa saste sukceseske trubul em but zori, a majbut trampa ko mentaliteti ko terne.

O principia ko dualno edukacia so anel pe ko makedonikano sistemi germansko suportoia si le reasrinaja te arakhel pe kvalifikujmo kadar ko thavdipe taro edukaciakoro procesi.

I germansk delegacia taro Frankfurt sine len dikhiba e makedonikane fakultetencar. Vakerena kaj prekal lačhi klaboraciua e kherutne kompaniencar , šaj te resen pe šukar rezultatia.

R. Utarali Makedonia: Bizo 1000 eura baš i štar dženengiri familia na nakhavela pe o masek

Paše milja eura valjani jekh familiake taro štar džene te učharen o fundavno ahrči ko maj akava berš. Akava sikavela I kalkulacia tari Unia e sindikateskiri an I Makedonia (USM) bašo moldipa taro minimalno gono so ko masek maj sine 60 090 denaria. Najbaro kotor taro love , jail pašđe 350 eura aso o USM den pe hajbaske em pijbaske, šeenge ki jekh 4 dženengiri familia ko maj valjani sine lenge paše 80 eura, a režisko harčoi, khereske 100 eurA. Bašo transport hulavel pe 80 eura taro familiarno budžeti.

Prekal I sindikalno gn ko masek april akava berš so legarel sine 60 212 denaria, oo moldipe bašo masek maj tiknilo bašo 122 denaria.

 

Kuršumlija, Srbija: I situacija si panda phari thaj napendžardi, o doktoria ko Niš keren napia bašo dživdipa e čhijakro so sine ratvardi ko ringišpili ki Kuršumlija

Sar so havljargje e srbiakere mediumia ko 8 maj paše ko 13 o časo ko saemi ki Kuršumlija pharilo o ringišpili pherdo čhavencar . Ratvarde si 13 čhave , kote akaja čhaj si majphareste ratvardi . thaj dova dive paše ko 15 o časo thaj 30 minutia doktrea tari urgentno medicinsk ekipa taro Prokuplje sine andi ko UZ UKC Niš. Pal dendi avgo medicinsko suporto em protektiva thaj upral I funda tari urgentnoi dijagnostika kerd ko ZC an o Prokuplje, konstatirime sip hare neurohiruško ratvarina. I pacinetka sine hospitalizirime ki Klinika baši intenzivno protektiva thaj sebepi olakiri momentaln riziko dživdipaskiri situacia sine intubirime thaj arakhel pe ki medicinsko inducirimi koma – vakerena taro Universitetsk medicinsko centro an o >Niš, d-r Zoran Perišič, a ko 9 maj vakergja kaj o ratvarina so reslja akaja 12 beršengiri čhaj tari Kuršumlija tegani na trubul soine hiruško intervencia. Ov vakerel kaj si evidentnoo kaj si la ratvarina an I godi kaj o čhavo si čhivdo ko apartia bašo kislorod thaj kerel pe zori te stabilizirinel pe I situacia, thaj ka kerel pe majšukar kontorla  bašo olakro majodorigutno sasljariba. Palo akava incidenti o ministeri andrune bukjenge o Ivica Dačič, vakergje kaj o Jovan Nedeljkovič o gazda tari I parcela., thaj o Zoran Ljubomirovič , o gazda e ringišpileskoro si phanle sebepi fundavno šubikjerin  kaj kergje pharo akti bašo sasto siguriteti. Palo o ročište ko krisi ov dengja len pritvor. OO avera čhave resle lokheste ratvarina thaj si ko kherutno sasljariba.

O bare jaga ko romane mahale si but, o materijalno zijani si baro, thaj but droma si em manušikane viktimia!

Ko agorutne nekobr berša , o bare jaga k romane mahale ki Srbia si but, keribaja seriozn zijani em rizik k džiuvdipa thaj ko ekološko dživdipa. Dži kote I romani jekhin arakhela pe bare socijalno, ekonomikane thaj ekolško rizika, o bare jaga si  dopherdo pharipa kolea arakhel pe I romani jekhin. Majimportantno knsekvenca taro bare jaga si o riziko dživdipaske. O bare jaga anena rizik taro meriba, ratvarina em zijani, em teleperaviba e kherenge. O Roma but droma si ko socioekonmikano riziko nanipa fundavutne resursia em telešeravde ko akala situacie.

Ko nakhlo periodi 22 romane mahale ko purab e Srbiake resle mujaljagakere aparatia a o lokalno  požarnikaria sine praktikujme te reagirinen ko  riziko situacie. O bare jaga ko romane mahale si len em seriozno ekloško konsekvence. OO thabljjbe tari plastika, električno instrumentoa thaj aver gunoj ane te oven zijankerde gasia  em tksično  materie ki atmosfera , . Akala rizikoa šaj ovel len lungoperiodeskere efektia prekal o dživdipe em sastipe e lokalno khedinake.

Link: https://romaworld.rs/pozari-u-romskim-naseljima-sve-ucestaliji-materijalne-stete-ogromne-a-cesto-ima-i-ljudskih-zrtava/

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 235 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali