Politika

o Anton Soft ki odbrana bašo fer thaj demokratsko alusariba

O šerutno tari i romani IT kompanija Anton Soft, o diplomirime softversko inženjeri thaj magistranti ko FINKI, o rajo Elvis Hajdar, havljarela kaj programiringa softver te locirinel e hovavne facebook profilen.

“Akava tano kerdoj resarinaja te šaj ma te hramonen pe but bilačhe bukja kaske bilo ko Facebook.” - vakerela o rajo Elvis Hajdar.

Akaja alatka šaj te kulandinel pe majbuter ko akava periodi kote so pojavisalile but hovavne facebook profilija sebepeja te hramonen but bilačhe thaj našukar bukja e aktuelno kandidatenge baši I lokalna alusariba ki Uatarali Makedonia.

O rajo Elvis Hajdar vakerela kaj akava softver dela le bizo lovengoro kulandibe e aktuelno romane kandidatenge baši šerutno ki komuna Šuto Orizari.

Akaja romani softversko kompanija pendžardi si kaj kerela softver thaj web aplikacije, no akale gesteja dela pro pridones ko lokalna alusariba sa e romane političko kandidatenge resarinaja te ovel fer thaj demokratsko alusariba.

Stagnacijaja ko membripa ki EU o balkansko thema keren akti te keren piro mini-Šengen

Te ovel pe svedoko sar o lideria tari Srbia, Albania thaj Utarali Makedonia hulaven momentia tari kolektivno loš nane khanči nevi ama ni so ovel sako dive,, soske o regioni si pendžarde prekal maripa, konfliktoa thaj hulavipa. E srbiakoro presidento Aleksandar Vučič, e albaniakoro premieri Adi Rama thaj o makedonikano premieri Zoran Zaev asana sine ko momenti kana phiren sine ki diz skopje ko momenti kana parafiringje tilateralno ekonomikano kontrakti ko regionalno biznis forumi . I inicijativa Phravdo Balkani idea te formirinel pe barabutno marketi e themenge so I inicijativa bašo kinobikiba del šajsarin tromale te phurel pe sar so si o dizutne thaj o artiklia kberza bukjake. Prekal o notacie tari Lumiakiri banka o thema tari akaja inicijativa ka šparinen paše 3,2 milijarde amerikansko dolaria (2,71 milijarde eura) sako berš.

Link: https://www.euronews.com/2021/08/31/as-eu-membership-stalls-balkan-countries-make-controversial-move-to-create-their-own-mini-

Naoficijalno sar kandidati baši funkcia dizjakoro šerutno ko Šuto Orizari tari partia ROM si notirime o Tefik Mahmutm kaske suporto ka den thaj o VMRO DPMNE

Prekal naoficialno informacie taro ule representoa taro ROM sar kandidati baši funkcia dizjakoro šerutni ko Šuto Orizari ko akala lokalno alusariba ka ovel o Teifk Mahmut.

Akava udžarel pe te ovel oficijalizirime akava vikend tari i partia ROM. Taro partisko informacie vakeren kaj dikhen pe sa o opcie so ka oven dende sar suporto taro koaliciono partneri o VMRO DPMNE.

Dži akana oficialo kandidati akale funkciake ki komuna Šuto Orizari notirime si o Asan Frat taro SDSM. Sar aver naoficialno kandidatia em anava so figuririnen e funkciake dizjakoro perutno si o aktuelno dizjakoro šeruto o Kurto Duduš suportimo taro kotor e romane politikane blokoske thaj o Gege Demirovski presidento tari Nacionalno partia e Romengiri.

NETVORKO BAŠI AKCEPCIA AN O SISTEMSKO THAJ SAVAKTESKERE FAISALIA AN I INTEGRACIA E ROMENGE

I Asocijacia Inicijativa baši  socijalno trampa InSoK – Skopje; Khedipe bašo niamia e Romenge– Štip; Khedibe Romano Biznis informativno centro an i Makedonija - RDICM – Skopje; Nacionalnp Romano Centro - NRC – Kumanovo; Romnjengiri organizacia - Štip; Roma Progres Skopje; Romani organizacia e džuvlengiri an i Makedonia – Daja- Kumanovo; Romani Asvin Prilep; Romano edukativno centro Ambrela – Skopje; Humanitarno thaj dobrotvorno khedipe ne Romengoro Mesečina – Gostivar; Centro bađo Buvljaripa e Romane jekhinake "Bairska Svetlina" – Bitola; Khedipa bašo romano - turkiakoro amalipa „Romsko Jato„ - Bitola

 

PHRAVDI AKHARIN

 

Pativalen dizutne!

O Netvorko bašo akcepcia an o sistemsko thaj savakteskere faisalia an i integracia e Romenge akharela e preperutnen tari romani jekhin, o dizutne so si nasavkteske avrial tari teritoria tari them, thaj sa e dizutnen ki Republika Utarali Makedonia te len thaj ki statistikani poeracia HRAMOVIPA 2021

I statistikani operacia Hramovipa 2021 ka del infomacia thaj  fundavutne punktia e numeroskem teritorialno thanjariba thaj i struktura taro dizutne aso demografsko, ekonomikane, edukaciakere , migracisko thaj aver notacie. E hramovipaja ka kheden pe informacie bašo kherutnipa, thana dživdipaske thaj olengere karakteristike.

Pativalen amare dizutne mari savala si te la than thaj te da o informacie em odolea te šaj kera majlačhi implementacia e statistikane operaciake HRAMOVIPA 2021.

O Netvorko bašo akcepcia an o sistemsko thaj savakteskere faisalia informirinela kaj saste ka opservirinel o procesi taro hramovipa thaj o eventualni nalačhe kheriba thaj anomalie saste thaj phravde ka reagirinel.

 

Respektea

O Netvorko bašo akcepcia an o sistemsko thaj savakteskere faisalia

an i integracia e Romenge an i republika Utarali Makedonia

 

Skopje, 03.09.2021 berš

 
FaLang translation system by Faboba

Mangava te vakerav

TV BTR NACIONAL

Momentalno Online

       Isi 344 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali