An i Pula - Croacia, i Sibeldžan Ljatifova tari Makedonia si majšuži ko akaleberšeskoro 25-to Internacionalno majšuži Romani Čhaj 2018 berš

Ko lačho ambienti e hotelesker Brioni an i Pula ki kinara e jadraneske an o 26 Maj ikergja pe i tradicionalno manifestacija Mis Internacionalno majšuži Romani Čhaj 2018 berš an i organizacia tari SP BTR thaj koordinacia tari Udruga Roma tari Pula.

An i pherdi terasa e hoteleske anglal i publika akava drom prodefiliringje romane čhija tari Croacia, Turkia, Iralia, Srbia, Makedoniqa, Rusia, Kosovo, BiH, Špania, Slovenia thaj Albania.

Ko vakti e defileskeo kandidatke sine ko trin oficialno rote thaj agjaar sikavgje e publikake piro šužipa thaj šarmi e unikatno koreografijaja.

Sa o čhija ki nesavi forma piro šužipa dophergje o ambienti odoja rakj an i Pula.
I decizia taro žiri na sine lokhi thaj an o agor sineimportantno nijasne.
Sar majšuži ko akava Internacionalno majšuži Romani čhaj sine notirimi i 19 beršengiri Sibeldžan Ljatifova taro Kočani, Makedonia.
Olake i dijadema dengja e persiberšeskiri Mis so sine ko jekh tari makedonia i Džansu Šakirova.
Sar jekhto dži majšuži sine i Diana Bajramović tari Špania, dujto sine i Sabina Adem tari Turkia. Sar majfotogenično sine Dragana Proeskir Slovenia, a majšarmantno i Minuša Šabić tari Croacia. Sar Mis Istarsko regioni sine notirimi i Anita Avdi tari Italia.
Sar šerutno sponzori akale manifestaciake sine i Skopsko Pivara. Ko muzikakoro performanso than lele o pendžarutno orkestar taro Vranje " Jelen bend".

Mis2 2905

Pin It
FaLang translation system by Faboba

Mangava te vakerav

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali