Ko ka ovel kandidati e dizjakere šerutno taro SDSM an i komuna Šuto orizari thaj si li o ankete realno?

Majaktuelno tema an o Šuto Orizari ko momenti si: Ko taro SDSM ka ovel mujalkandidati an o lokalno alusariba e džiakanutne dizjakere šerutneske Elvis Bajram.

U fotelja taro jekhto manuš an i komuna si lačhi sakoneske numa si salde jekh. I fama bašo odova ko si o kandidatia panda si phravdi opcia. Jekh džanel pe kote piri kandidatura ka aplicirinel thaj o džiakanutno dizjakoro šerutno o Elvis Bajram.

Numa nadžanerl pe ko ka ovel aver kandidatia. Akanaske si špekulacia ko ka ovel kandidati. Si li o PCER pire kandidate jali o SDSM ka kandidirinel pire membro. Taro pire naoficialno informacie o Roma Times vakerel pe kaj kandidati taro SDSM ka ovel o pendžarutno biznismeni Asan Ferat.

Numa akana isi opcie da sar naoficialno info kote o SDSM aso kerdi anketea e rejtingoske save kandidatia šaj te oven. Ko jekh sar "iocia" panda isi an o anav e aktuelno deputateske ko Parlamenti taro SDSM o Kurto Duduš. Numa akate na agorkerel sa. Prekal piro FB profili sar tari "učharin" akana aktuelizirinel pe thaj o anav Tefik Mamut.

Aso o kuloaria thaj šrekal džuvljano lobi anavkerdi si thaj i Fata Osmanovska džiakanutno NGO aktivisti. Sar anava andinena pe da o Neždet Mustafa, Gege Demirovski thaj Hasan Edis.

Aso naoficialno informacie majbut si "ko duj gogja" trujal o Asan Ferat, Kucoi Duduš thaj sar taro "dujto plani" Tefik Mamut.

Kaskoro lobi ka ovel majzoralo ka havel pe sigate. Ko te ovel mujalkandidati e Elvis Bajrameske ka trubul te kerel šukare strategia. Thaj panda jekh buti " Šutko o Devel tuja"

 

Pin It
FaLang translation system by Faboba

Mangava te vakerav

Momentalno Online

       Isi 121 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali