Taro Šuto Orizari dži ki Germania thaj palal

O suno baši  Europa čučargja e jekhutne romane komuna an i Europa. O azili e Romenge sine sar paerspektiva, numa butederengje angja pobuter sar bibaht thaj razočariba.

Šerutno faktori soske o Roma taro Šuto Orizari o džajbe an i Europa si o bibukjarnipa. Kotor olendar džan te keren buti, a kotor probinena piri baht sar -azilantia. Upreder 10.000 Roma ko nakhle nekobor berša rodingje azili an i Germania thaj aver thema tari EU.

Te dživdine an o Šuto orizari an o 21 veko si phare - o bibukjarnipa si šerutno problemi. O Roma tari Šutka vakerena kaj o terne ka aćhon te sine len egzistencia.

„90% taro Roma našen sar azilantia an i Germania sebepi ekonomsko kriza, soske nane len buti. An i sasti Makedonia an i buti si salde 5% Roma. odoleske bičhaven apelie političarenge te čhiven an i buti e ternen soske o terne si them" vakeren o Roma tari Šutka.

O ministria Roma an o Govermenti den lafi, numa but hari kergje dži akana. I nevi strategia trubul te anel trampe an i situacia thaj o ministeri Samka Ibraimovski potencirinela:

„Jekh štar membrengiri familia akana lela 200 eura. odova si jekh taro konsekvence so gndina kaj nane te kerel parazitia e Romen. 

Numa odole konceptea kaj i them ka ovel zainteresirimi te čhivel ani buti , te na del len love thaj te ovel len progresi ko bukjarnipa.

Oficialno i Šutka gejnela 50.000 Roma. Naofocialno akaja komuna so si salde 4 kilometria taro centro e Skopjeske isi la duplo buteder Roma.

 

Link: http://www.dw.com/mk

 

Pin It
FaLang translation system by Faboba

Mangava te vakerav

Momentalno Online

       Isi 275 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali