An o 2 decembro an o Sava Centar an o Beograd o legendarno Džipsi King ikergje koncerti a ko jekh sebepi o filmi so kerel pe e thagareske e romane muzikake Šaban Bajramović an i režia taro Željko Mirković giljavgje nekobor gilja.
Sar so notiringja o fundavutno e grupake Džipsi King o Pablo Baliardo thaj oleskoro majphureder čhavo o Manitasa del Plate so alo ki bina statuetkaja taro Šaban Bajramović thaj olesker lipargje nekobor gilja sar so si i gili “Đeli Mara po vašari”, thaj an o oleskor respekto i gili “My Way”.
- „O Džipsi King„ sine grupa so o Šaban Bajramović but mangela la sine. . Majmangli kompozicia e Šabaneske sine i “My Way” so kergja lake translacia pi romani čhib thaj vežbinel la sine klasično jazz bendoja "Nišvil radio" mangipaja te kerel albumi autentično romane jazz ambientea.
Sebepi problemi taro kardiovaskularno nasvalipa, o Bajramović nikana na reslja te finiširinel akava albumi. O Šaban but droma vakergja kaj sine le bari mangin ov te komponirinel sine i gili "My Way" , thaj aso i intepretacia sine siguritetno kaj komponiringja la o Frenk Sinatra , trujal so kerel pe lafi melodiake “Comme d’habitude”, so kergje la o francusko tandemo Žak Reve thaj Klod Fransoa.
