An o 18 juni an i pervazia ko thavdipa koorelacia an i implementacia e Strategiake e Romenge 2014 -2020 olakoro koordinatori i ministeri bizo resoro Aksel Ahmedovski ikergja koordinativno mitingo e aktivistetencar taro romano NGO sektoro.
Ko dikhiba sine prezentirime o relizirime aktivitetia thaj aktivitetia so si an o avutno periodoi, thaj si an i implementacia e Strategiake e Romenge an i RM 2014 -2020 berš sar Akciono nacionalno plania an o kherutnipa, edukacia, buti, sastipa thaj zojrakeriba e situaciake tari Romani džuvli.
Ko kerdo aktiviteti o ministeri Ahmedovski informiringja kote majbaro zori si kana khedingja te keren pe 20 proektia so si ko lačharipa on šartia an i komunalna thaj dromeskiri infrastruktura an o mahale kote si Roma. Hulavde si paše 330 .000 eura an o 9 komune so ka keren lačharipa i komunalno infrastruktura thaj o siguriteto an o khera ko romane mahale an o akala komune.
Sa o riga ko akava dikhiba notiringje kaj ka ovel majodorigutni koordinacia ko asavke mitingoa sa o notirime plania te keren pe sukcesiale an i realizacia thaj te oven transparentno ko aktiviteti.
