Avibaja  i data taro ikeriba e Parlamentarno mitingoske taro IRU an o Beograd, Srbija taro 12-14 oktomvri 2017 berš an o Sava Centar bakrola o interes taro delegatia so ka aven ano akava mitingo.

O teme so ka diskutirinen pe trujal ničale raportia taro delegatia e IRU-ske e situaciake e Romenge ko pire thema, o IRU ka opservirinel thaj aver aspektias e dži akanutne aktivititezmeske , olengiri prestrukturacia thaj funkcia.

Ko jekh ka ikerel pe Historijano simpoziumo vash Romano Holokasuto thaj Romano Biznis Forumo.

Aso o senzibiliteto e temenge trujal leiba than e delegatonge ko paše 40 thema havljardo si leiba than e majuče themakere manušende an i R.Srbia (Kabineto taro Presidento , premiero thaj ministeriumia)

Ko jekh piri akcepcia havljaren thaj baro numero amabasade si su abn u Srbia thaj baro numero NGO tari Srbia kaskere aktivitetia so keren buti e romane problematikaja.

Sar kotor taro aktivitetia an o aktuelno planirimo ikeriba e IRU Parlamentoske an o Beograd, Srbia trujal aver aktivitetia ka ikerel pe o Dujto Ukakoro Historikano Sumpoziumo e Romane Holokausteske.

Akava si thavdipa e avgo siumpoziumoske so sine an o mart 2016 berp an o Skopje ko vakti e kongresoske taro IRU.

Ko dujto ukakoro simpoziumo pire neve detalia ka prezentirinel o magistar doktor Trajko Petrovski tari Makedonia, Dr Vladimir Krivošej, Srbia, Dr Frank Repenghagen Srbia thaj o profesori Milovan Pisari tari Srbia thaj aver.

Akate ka kerel pe prezentacia e neve faktenge thahj dokumentia an i konekcia e situacijaja e Romencar taro Balkani thaj buvleste taro Nacional socializmo an o Dujto lumiakoro mariba so si diferentno buteder taro okola prezentirime hari faktia e Romane Holokasuteske thaj akana dokumentia so si sikavde an o mediumia thaj si but hari.