Sebepi 9 Maj - Europakoro dive, o Presidento e Internacionalno Romane Uniake -IRU an o anava e saste membronmge taro IRU bičhavgja bahtarina dži ko legarutne institucie an i EU sar so si Europakoro Parlamenti, Europakiri Komisia , Europakoro Konsilo thaj dži ki Komisia bašo buvljariba e EU . Ki oleskiri bahtarin tergjola:
Kama te sikava amari bibaht an i konekcia e govermenteskere planea tari Ungaria te phanel pe o Centralno Europakoro Universiteto (CEU), thaj indirektno len pe kontraakcia mujal o rajo Džordž Soros thaj i korkoro Fondacia.
Odoleske i Internacionalno Romani Unia - IRU sa pire delegatoncar thaj membria zorale ačhol te del suporto e Soroseske thaj e Fondaciake.
Kama te vakera kote sa akala berša napalal i Fondacia Soros ačhola sine zorale plala o Roma thaj i Romani nacia, dejbaja stipendie thaj motivacia e Romane terne siklenge thaj studentenge thaj kergje baro numero edukaciakoro kapaciteti te bajrol maškar o Roma an i Europa.
An o 21 martu agorkerela jekh berš taro 10-to IRU Kongresi so ikergja pe persi berš an o Skopje, Makedonia. Kobor importantno sine akava Kongresi vakerel o fakti kote than thaj suporto lele upreder 50 deleagtia taro 30 thema taro 5 kontinentia.
Trujal delegatia tari Europa, ple delegatia so angje bašo validiteto e Kongreseske an o IRU sine thaj taro USA, South Amerika, (Brasil thaj Argentina), Asia (India) thaj Australia.
An o akava Kongresi alusargja pe nevo Presidiumo so khuvgja i funda jekhe neve demokratsko procesi an i IRU politika.
Akava kurko so nakhela nakhlja jekh e majbare skandalozno vakerinaja e romaniakere medoimenge so sine sikavdi taro "korkoro notirime thagar e Romengoro an i Romania" Dorin Čoaba.
Ov e mediumenge vakergja kaj hramosargja lil dži ko amerikaoro presidento Donald Tramp, kote del e Romen tari Romania te keren buti an o keriba o duvar maškar USA thaj o Meksiko sar so vakerela: " Nakuč bukjarno personalo".
Aso Internacionalno Romani Unia -IRU , thaj olakoro presidento Zoran Dimov thaj o membria an o IRU, panda jekh drom sikavela o fakti kaj o Dorino si jekh taro majbare bibahtalipa e Romenge thaj sikavel o fakti so si kerdo krisoskoro proceso mujal oleste taro IRU Kris mujal oleste so ka del antvorto anglal internacionalno kriskoskere institucie bašo kerdo finansisko thaj dokumentarno falsifikato ko vakti kana sine le mandato sar presidento an o IRU an o periodo 2013 -2016 berš.
|
Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека |
6-to Romano Čhavorikanoo muzikakoro festivali
„Čhavorikano Suno 2022“ – SP BTR
6-ти Ромски Детски музички фестивал
„Детски Сон 2022„ – СП БТР
6th Romani Children's Music Festival
"Children's Dream 2022" - SP BTR
Isi 97 misafirija so dikhena o ROMATIMES.NEWS
Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali
