Ko starto e avdisutnake agorutno dive sesia, majanglal prekal Skype sine mukhlo o Grattan Puxon o Presidento an i Komisia vash Demokratikani Tranzicia te sikavel o rpoekto sar modaliteto vash efikasno elektronsko votiba.

Ko jekh sine kerdi diskusia vash koordinacia ko notariba taro 2-to Augusto dive tari Komemoracia e Holokasuteske an o Ausvic, Lety, Treblinka, jasenovac, London, berlin thaj aver centria kote than ka len thaj IRU delegacia.

Ko avdisutno parlamentarno sesia plo than lele upreder 40 delegatora taro 30 thema so sine lachi agenda, ko starto sine intonirime o nacionalne himne tari Makedonia thaj I Romani himna, Jekh minuta respekto vash sa o roma viktimia thaj pli vorba sine e Presidento tari Komisia bashi Demokratsko Tranzicia o Grattan Puxon, palo odova o IRU presidento Z|oran Dimov, o Presidento taro IRU parlamento Stevo Balog, o rajo Stefan Kuzichov, I Angelica Mashtakova thaj aver.Ki debata so sine akharde nekobor ambasade an I RM plo raporto basho kerde incidenti ko olengere thema upral o Roma sine raporto tari Ambasada an I RM taro Montenegro kote ali o jekhto sekretaro I selnma Mashovic, thaj membro tari rusko federacia na I RM o rajo Vladimir Tkacenko.